ڕۆژی سێشەممە 12ـی 9ـی 2017 لە سەلاحەدین، مەسعود بارزانی، سەرۆكی هەرێمی كوردستان، پێشوازی لە ئەیاد عەلاوی، جێگری سەرۆك كۆماری عێراق و شاندێكی ئێئتیلافی نیشتیمانیی عێراق كرد.



بەپێی ڕاگەیاندراوێکی سەرۆکایەتیی هەرێمی کوردستان ، لە دیدارەكەدا بارودۆخی سیاسی و ئەمنی ناوچەكە و هەروەها شەڕی دژی تیرۆریستان و نیگەرانییەكان لەبارەی ئاییندەی موسڵ و قۆناغی دوای داعش تاوتوێ كراوە. هەروەها ڕۆشنایی خرایەوەتە سەر پڕۆسەی سیاسیی و هاوكێشە جۆراوجۆرەكان و ئەو تەحەدی و بەربەستانەی لەبەردەم پڕۆسەی سیاسیی عێراقدا هەن.



هەر لەم دیدارەدا بیروڕا لەبارەی ڕیفراندۆم و داهاتووی پەیوەندییەكانی نێوان هەولێر و بەغدا ئاڵوگۆڕ كراوە.



باسنیوز