قهڵادزێ.. دوو منداڵ بههۆی پێشبڕكێی دوو ئۆتۆمۆبێلهوه گیان له دهست دهدهن
شۆرش ئیسماعیل گوتەبێژی بەڕێوەبەرایەتی پۆلیسی ڕاپەڕین بە(باسنیوز)ی ڕاگەیاند: " ئێوارهی ئهمڕۆ یهكشهممه (10-9-2017) دوای ئهوهی دوو ئۆتۆمبێلی جۆری ( كیا/سیراتۆ) و ( پیكاب/ نیسان) پێشبڕكێ دهكهن دوو منداڵ به ناوهكانی ( هـ . س . ب ) تهمهن 5 ساڵ و ( م . ع . ع ) تهمهن 6 ساڵ، له ڕهگهزی نێر دهشێلن و بهوهۆیهوه گیان لهدهست دهدهن كه ههردووكیان دانیشتووی گهڕهكی ڕاپهڕینی شارۆچكهی قەڵادزێن".
ڕوونیشیكردهوه كه دوای ڕووداوهكه دهستبهجێ هێزهكانی بنكهی پۆلیسی فریاكهوتن و بنكهی نههێشتنی تاوانی پشدهر و بنكهی پۆلیسی ڕاپهڕین گهیشتوونهته شوێنی ڕووداوهكه و ههردوو شۆفێرهكهیان دهستگیر كردووه، دوای لێكۆڵینهوهش لهگهڵیاندا به گوتهی خۆیان پێشبڕكێیان كردووه و دواتر كۆنترۆڵیان لهدهستداوه.
ئاماژهی بۆ ئهوهش كرد دوای گهیاندنی تهرمی منداڵهكان بۆ نهخۆشخانهی گشتی قهڵادزێ و پاش توێكاری بۆ تهرمهكانیان ڕادهستی كهسوكارهكهیان كرایهوه و پهڕاوی لێكۆڵینهوه بۆ ڕووداوهكه كراوهتهوه.
bas news-
