دهۆکیان پەسنا خەلکێ سلێمانێی کرن، چونکی زانین ئەوێن دبێژین نەخێر ،جاش و خۆ فرۆشن، و دەستێن دەرەکی یێن ل پشت وی بەرەینە.

پێدڤی ب ڤێ پرسێ (رێبەر کوردۆ)، گەنجەکی پارێزگەها دهۆکێ یە، بۆ ماڵپەری فەرمیی پارتی دیموکراتی کوردستان گوت: سلێمانیزم ئەو باژێرێ ھەردەم وەک رێنیشاندەر و ماموستایێ کوردایەتیێ دھاتە پێش، لەورا نەیا بەر ئاقلە بەروڤاژی رێرەوێ خوەیێ مێژویی ب دەرکەڤیت، رەنگە د ئاستێ ھندەک داخازیێن خوە یێن رەوادا جارنا وەک یاخیێ ھەرجار ب دەرکەڤیت،لێ د ئاستێ پرسێن نشتیمانی دا سلێمانی ھەمان نەریتێن خوەیێن مێژوویی دوبارە دکەت، لەورا ب باوەریا من ئەو خەیالا خاڤا ھوسا بھزریت تورەیا سلیمانی د ئاستێ نە دادیا جڤاکی و سیاسی و ئابورێ دێ ھەمان تورەیی بیت د ئاستێ پرسێن نشتیمانی دا،ئەڤ تێھزرینە دیرە ژ نیاسینا سروشتێ خەلکێ سلێمانیێ،ئەو نەخێرا یاخی یا سلێمانیێ د ئاستێ فکری و داگیرکاریئ دا جوانترین دەستکەفت بەرھەم ئینای،نابیتە ھەمان ئەو نەخێرە یا سەرمایەدارەک بو داهاتەکی سیاسی و بەرژەوەندگەری بکەتە پروپاکندەک و روژانە پێ نمایشێ بکەت.

گۆتژی:'' کو دیارە ئەڤە دەربرینە ژ نەخێرا سلێمانیێ ئەوا د روژگارێن خودا دژی سەردەستا ب کارئینای ئەڤە بخوە تیروەرەکا مەعنەوی و دەرونی یە بو خەلکێ سلێمانیێ، ئەو خرڤەبونا کێما نەخێر ل یاریگەھا سلێمانی ل گوری من جورە سزا و راوەستاندنەک بو وان کەسێن خوە بەرجەستەکەرێن خەلکێ سلێمانیێ دایە زانین و بەروڤاژی وێنێ دسەرێ وان دا دەرکەفت،ژبەرکو خەلکێ سلیمانیێ باش دزانیت کو دەولەت ب نەخێران نابیتە نەرێ، ژبەرکو دەولەت سەروەرەکە ل سەر نەخێردایە،ب زمانەکێ ھیگلیانە دەولەت دەستھەلاتا ئیلاھی یە ل سەر عەردی.

هەر د ڤی بیاڤی ژی دا، رۆژنامەڤان(ماهر شنگالی)، بۆ مالپەڕێ فەرمیی ێێ پارتی دیموکراتی کوردستان گۆت:'' خەلکێ سلێمانێی باش تگەهشتیە کو بەرەیێ نەخێر دەستین دەرەکی ل پشتن و چ بەرنامە و پرۆژە بۆ خەلکێ کوردستانێ نینن، بتنێ ئەوە دژایەتیا پرسێن نشتیمانی دکەن ئەگەر ئەوان ئەوان نەخێر هەلبژارتبیت ئەوڕی پێگهۆرێ وان چیە، گەرەکە وان هەموو تشت هێلابانە و گەهشتبانە بەرەیێ بەلێ.

(ماهری)، خویاکر، ئەڤ جۆرە کەسە ب پارەیێ وەڵاتان کاردکەن، و خەلکێ سەردا دبەن،ئەرێ دێ چ بەرسڤ بۆ دایکێن شەهێدان هەبیت؟، و دێ دیرۆکەکا رەش بۆ ڤان هێتە نڤیسین .

سەبارەت ڤێ یەکێ ژی کەسەکی ب ناڤێ(دیار حەجی)، بۆ ماڵپەرێ پارتی گۆت:'' سلێمانیێ وانەیەکا باش دا بەرەیێ نەخێر د ناڤ جەرگێ سلێمانێی دا چونکی خەلک بۆ پرسێن نشتیمانی هەفهەلویستە و ب تایبەت پرسەکا گرنگ وەک پرسا ریفراندۆمێ، ژبەر هندێ ژی خەلکێ سلێمانێی باش تێگەهشتیە ریفراندۆم نە مولکێ چو حزبایە بەلکو ملکێ تەڤایا کوردستانێ یە.
kdp-