گوتەبێژی ئەنجومەنی سەرکردایەتیی پارتی دیموکراتی کوردستان لە سلێمانی - هەڵەبجە ڕای گەیاند، بەهیچ جۆرێک ئەو پۆستەرانەیان دانەناوە کە لە شاری سلێمانی بۆ چەند کاتژمێرێک هەڵواسران و دواتر لێکرانەوە.

بەپێی ڕوونکردنەوەیەکی گوتەبێژی ئەنجومەنی سەرکردایەتیی (سلێمانی - هەڵەبجە)ی پارتی دیموکراتی کوردستان دوێنێ هەینی 8/9/2017، لە هەندێک شەقامی گشتیی شاری سلێمانی، ژمارەیەک پۆستەر بۆ بانگەشەی ڕیفراندۆمی سەربەخۆیی هەرێمی کوردستانی عێراق هەڵواسراون کە وێنەی هەردوو سەرۆک (بارزانی و تاڵەبانی)یان بەسەرەوە بووە.

جەختیشی لەوە کردووەتەوە کە ئەوان لە سەرکردایەتیی سلێمانی - هەڵەبجەی پارتی ڕای دەگەیەنن، ”بەهیچ جۆرێک لەدانان و لێکردنەوەی ئەو پۆستەرانە ئاگادار نین و لە دوور و نزیک پەیوەندی بە ئێمەوە نییە“.











باسنیوز