بەڕێوەبەرایەتیی ئاسایشی ڕاپەڕین، دادگای لێکۆڵینەوەی قەزای پشدەر توانیان باندێکی بازرگانی کردن بە ماددەی ھۆشبەر دەسگیر بکەن.



بەڕێوەبەرایەتیی ئاسایشی پشدەر ئەمڕۆ 7/9/2017 لە راگەیەندراوێکدا، کە وێنەیەکی ) نێردراوە، تێدا ھاتووە: "توانیمان باندێکی بازرگانیکردن بە ماددەی ھۆشبەرەوە دەسگیر بکەن".



بەڕێوەبەرایەتی ئاسایشی قەڵادزێ، ئەوەشی خستوەتەڕوو: "دووان لە تۆمەتبارەکان دەسگیرکراون و تۆمەتبارێکی دیکەش بە ناوی (ڕ، ع) لە نزیک گۆرستانی قەڵادزێ لە کاتی رووبەڕووبونەوەی لەگەڵ ھێزەکانی ئاسایش بریندار دەبێت و لە ڕێگای نەخۆشخانە گیانی لەدەست دا".



ھەر لە ڕاگەیاندراوەکەدا، ئەوەش روون کراوەتەوە: "ئەم باندە بڕی زیاتر لە یەک کیلۆ گرام ماددە لەجۆری شیشەیان پئ بووە لە ئۆتۆمبێلێکی جۆری پاتڕۆل نیساندا ھەڵیان گرتبوو".



ئاسایشی قەڵادزێ، ئەوەشی باس کردووە: "تۆمەتبارەکان لەبەردەم دادوەر دانیان بە تاوانەکەیاندا ناوە و بەپێی ماددەی 14ی (مخدرات) لێکۆڵینەوە لەگەڵیاندا دەستی پێکردووە".
bas news-