بەرپرسێ پەیوەندی و راگەھاندنێ ل رێڤەبەریا پولیسێن پارێزگەھا دھۆکێ دیارکرکو دماوی چەند رۆژێن بۆرێدا ھەتا ئەڤرۆ 7/9 ل سەرانسەری پارێزگەھا دھۆک 45 تاوانبار سەرا تاوانێن جۆدا جۆدا ھاتینە دەستەسەرکرن.



ھێمن سلێمان، بەرپرسێ پەیوەندی و راگەھاندنێ ل رێڤەبەریا پولیسێن پارێزگەھا دھۆکێ، دیارکر: "سەرجەمێ 45 تاوانباران ژێ چوار تاوانبار سەرا کارێن دزی ھاتینە دەستەسەرکرن و دوو تاوانبار سەرا توند وتیژی دژی ئافرەتان ھاتینە دەستەسەرکرن و دوو تاوانبار سەرا قوماری و دوو ژی ژبەر خراب بکارئێنانا ئامێرێن پەێوەندیان و تورێن جڤاکێ ھاتینە دەستەسرکرن و چوار ژی ژبەر خازوکیی ھاتینە گرتن و 13 تاوانبار ژی ژبەر روودانێن شەران یێن ھاتینە گرتن ویێ دیتر ژێ روودانێن ھاتن وچوونی ئەگەر بووینە".



خۆیا ژی کر: "ئەڤ رێژا تاوانان بەرامبەر رێژا ئاکنجێن دھۆک وئاواران و ھاتنا ژمارەکا زۆر گەشتیاران دکیمن وبەردەوام پولیسین دھۆکێ بۆ چاڤدیری و پاراستنا مال و سامانێن وەلاتیان دئەرکێ دانە".
bas news-