ئێواره‌ى ئه‌مڕۆ پێنجشه‌ممه‌ 7/ 9/ 2017 به‌هۆى پێكدادانى دوو ئۆتۆمبێل له‌ گه‌لى عه‌لى به‌گ، چه‌ند كه‌سێك بریندار بوون.


رائید دلاوه‌ر بادلى، به‌ڕێوه‌به‌رى راگه‌یاندنى هاتووچۆى سۆران، راگه‌یاند: "ئێواره‌ی ئه‌مڕۆ پێنجشه‌ممه‌ به‌هۆى پێكدادانى دوو ئۆتۆمبێل (توێتا یارس و نیسان سه‌نى) له‌ رێگاى گه‌لى عه‌لى به‌گ هاملتۆن، هه‌ردوو شۆفێره‌كه‌ برینداربوون و ره‌وانه‌ى نه‌خۆشخانه‌ كران".


ئاماژه‌ى به‌وه‌شدا، كه‌ یه‌كێك له‌ شۆفێره‌كان برینه‌كه‌ى سه‌خته‌، هه‌روه‌ها زیانى زۆرى ماددیش به‌ر ئۆتۆمبێله‌كان كه‌وت.


به‌ڕێوه‌به‌رى راگه‌یاندنى هاتووچۆى سۆران، گوتیشى: "بۆ دوور كه‌وتنه‌وه‌ له‌ كاره‌ساتی هاتوچۆو، داوای پابه‌ندبوون به‌ یاسا و ڕێنمایه‌كانی هاتوچۆ له‌ شۆفێران ده‌كه‌ین".
bas news-