رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو گەلەک رەڤاندیێن ئێزدی ل تەلەعفەر ھەبوون دەمێ ئوپەرسیونا تەلەعفەر دەست پێکر مە ھزر دکر دێ سەدان کچ وژن وزارۆکێن ئێزدی ھێنە رزگارکرن لێ ھوسا نە دەرکەڤت گەلەک رەڤاندیێن ئێزدی نەھاتنە دیتن.



حوسێن کورۆ قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکر: "پشبینی دھێتە کرن تیرۆرستێن داعش گەلەک رەڤاندیێن کوردێن ئێزدی بۆ حەویجە ڤەگوھاست بن لێ ئەم خوە ل ھیڤیا حکومەتا عێراقی ناگرن چونکو ل تەلەعفەر ژی گەلەک رەڤاندیێن ئێزدی ھەبوون دەمێ تەلەعفەر رزگاربووی ئەو ھەموو رەڤاندیێن ئێزدی نەھاتنە رزگارکرن مەترسیی ھەیە ل حەویجە ژی حکومەتا عێراقی رەڤاندیێن ئێزدی رزگارنەکەت ئەم دێ ریێن خوە تایبەت کارکەین بۆ رزگارکرنا ھەموو رەڤاندییان".



خۆیا ژی کر: "ھەتا نوکە ب پشتەڤانیا سەرۆکێ حکومەتا ھەرێما کوردستانێ پتر ژ سێ ھزار و 100 رەڤاندیێن کوردێن ئێزدی یێن ھاتینە رزگارکرن و ھیشتا چارەنڤیسی پتر ژ سێ ھزار رەڤاندییان ژێ دیار نێنە".
bas news-