به‌ڕێوه‌به‌رى به‌رگرى شارستانى ده‌ربه‌ندیخان، خنكانى سێ گه‌شتیارى عه‌ره‌بی له‌كاتى مه‌له‌كردندا له‌ ڕووبارى سیروان، ڕاگه‌یاند.


كه‌یوان محه‌مه‌د به‌ڕێوه‌به‌رى به‌رگرى شارستانى ده‌ربه‌ندیخان، ڕاگه‌یاند: "ئێواره‌ى ئه‌مڕۆ سێشه‌ممه‌ ( 5/9/ 2017) له‌ گه‌ڕه‌كى كه‌مپى خوارى شارى ده‌ربه‌ندیخان، سێ گه‌شتیارى عه‌ره‌ب له‌كاتى مه‌له‌كردندا له‌ ئاوى ڕووبارى سیروان، خنكان".


ئه‌وه‌شى خسته‌ڕوو، كه‌ دوو له‌ خنكاوه‌كان بران، گوتیشی: "سه‌ره‌تا یه‌كێك له‌ گه‌شتیاره‌كان خنكاوه‌ و دووانه‌كه‌ى تر به‌هانایه‌وه‌ چوون، به‌ڵام ئه‌وانیش به‌دواى ئه‌ودا خنكاون".


به‌پێى زانیارییه‌كان ته‌رمى دووان له‌ گه‌شتیاره‌ خنكاوه‌كان دۆزراونه‌ته‌وه‌ و گه‌ڕان به‌دواى ته‌رمى سێیه‌مدا به‌رده‌وامه‌.
bas news-