ژمارەیەک هاووڵاتیی خۆپیشاندەری شارەی بانە لە رۆژهەڵاتی کوردستان بە گوللەی هێزە ئەمنییەکانی کۆماری ئیسلامیی ئێران، بریندار بوون.

سەرلەبەیانیی رۆژی سێشەممە 5/9/2017، نزیکەی 15 هەزار هاووڵاتیی بانە دوکان و بازاڕەکانیان داخست لە بەردەم پارکی (فەلەستین) لە شەقامی کەمەربەندی خۆپیشاندانێکیان دژی کوژرانی دوو کۆڵبەری شارەکە بە ناوەکانی حەیدەر فەرەجی / 21 ساڵ/ و قادر بەهرامی /45 ساڵ/ بە گوللەی سوپای ئێران، ساز کرد.

بەپێی زانیارییەکان، سوپای ئێران بۆ کۆتایی هێنان بە خۆپیشاندانەکە لە شەقامەکاندا بڵاوەپێکراوە و تا ئێستا بە گوللەی هێزە ئێرانییەکان نۆ هاووڵاتیی بریندار بوون و زیاتر لە 10ـی دیکەش دەستگیر کراون.

هەر ئەمڕۆ سێشەممە، چالاکوانانی شارەکانی پیرانشار، سەردەشت و مەریوان پشتگیریی خۆیان بۆ خۆپیشاندانەکە دەربڕیوە و رایانگەیاندووە، سبەی چوارشەممە لەو شارانەش دەست بە خۆپیشاندان دەکەن.











باسنيوز