رەوشەنبیر و ئێزدیناسەک دبێژیت، کورد مللەتەکی کو بوویە قوربانێ هەر تشتی ژ جوگرافیا و مێژووی و هەتا داویێ و، پێتڤی و مافەکێ رەوایە ئەوژی مینا هەموو گەلێن جیهانێ ب ماف و دخوازاێین خوە شاد بیت.

(پیرخدر سلێمان) سەرۆکێ بەرێ یێ بنگەهێ لالش یێ رەوشەنبیری و کۆمەڵایەتی و ئەندامێ خۆلا دووێ یا پەرلەمانی کوردستانێ و ئەندامێ لیژنا شیوەردار یا کاروبارێن ئێزدییان ل جڤاتا وەزیران بۆ ماڵپەرێ فەرمی یێ پارتی دیموکراتی کوردستان گۆت: ''ئێزدی ژی پێکهاتەکی رەسەنێ ڤێ ئاخێ نە و، باجەکا هەری مەزن دایە و، چاوا کوردستان چار پارچە بوون ئێزدی ژی ل گەل وان چار پارچە بوون، و نها پرسا ریفراندۆمێ پرسەکە نەتەوەیی یە و، ئێزدی ب هەموو شێوەیان ل گەل ڤێ پرسا چارەنڤیسازن،و ئێزدی ژی هەر ژ ساڵا 1991 قەدەرا ئێزدییان ئەوبوو بەشەکی کێم ژ ئێزدییان کەفتبوونە د بن سیبەرا هەرێمێ دا، و د رزگارکری بوون، و هەتا رادەیەکی مافێن ئیداری و سیاسی و رەوشەنبیری ب دەست ڤە هاتبوون، ئێزدیی چاڤەڕی وان جهێن دی بوون کو ئەو ژی ڤەگەرنە هەمبێزا هەرێمی، و پشتی هنگی و ئازادکرنا عیراقێ چەندین پرس ل دۆر ئێزدییان هاتنە کرن و پلان هاتنە ئەنجامدان ل دژی وان و پێشێلکیاریێن دەستووری ل هەمبەری ئێزدییان هاتنە کرن، و ماددا 140 هاتە پێشێلکرن.''

هێشتا گۆت: ''مەترسی کەفتە دەڤەرێن ئێزدییان یێن دەرڤەی ئیدارا هەرێمی، و 24 کرێکارێن ئێزدیی هاتنە کوشتن و قوتابیێن ئێزدی ل زانینگەهێن موسل هاتنە دەرکرن و کارەساتا گرعزیز و سیبایێ و پاشان تەفکوژییا ئێزدییان ل شنگالێ هاتنە ئەنجامدان، بەلێ ل هەموویان کوردستان بوو ل مە خوە کرە خودان، و مە گازی و هاوارا خوە گەهاندە کوردستانێ و ئەوان ب دەستێ مە گرت.''

دەربارەیی وێ یەکێ ژی گۆت: ''پشتی ئەو تەفکوژی ب سەرێ ئێزدییان هاتی هەر خەلکێ کوردستان و حکومەتا هەرێمێ بوون دل و مالێن خوە بۆ مە ڤەکرن.''

(پیرخدر سلێمان) ئەو یەکە ژی دیارکر، نابیت هندەک هێز هەوڵ بدەن شنگالێ پارچە بکەن و پیدڤیە ئەو هێزە دەرکەڤن ژ شنگالێ، و مە چ هیڤی ب (الحشد الشعبی) نینە، و نابیت هندەک هێز وێ یەکێ بکەن شنگال ژ هەرێما کوردستانێ ڤەکەن، و شنگال و لالشێ ژ هەڤ جودا بکەن.

ناڤهاتی گۆتژی: ''مە لبەرە ل نێزیک کۆمبوونەکا مەزن یا ئێزدییان و ژ سیاسەتمەدار و رەوشەنبیر و یاسایاناس و سەمبولێن ئێزدیان کۆمبکەین و یاداشتنامەیەکی کو هەموو ماف و داخوازیێن خوە نڤیسین و ئاراستەی سەرکرداتیا سیاسیا کوردستانێ بکەین و خویاکر، کو راستە ئەم د مەغدوورین و برینا مەیە کویرە، بەلێ ئەم مەغدووری و چارەنڤیسێ خۆ تەڤلیهەڤ ناکەین و ئەم پشتەڤانیا ریفراندۆما هەرێما کوردستانێ دکەین، و پێدڤیە تایبەتمەندییا ئێزدییان د کوردستانێ دا بهێتە پاراستن و کەیسا ئیزدییان ل شنگالێ ب جینۆساید بدەینە ناسکرن و هەموو بزاڤ بهێنە کرن ئەو دایک و خوشکێن مەیێن ماین ژ دەستێ داعشێ رزگاربکەن، ئەم ب هەموو شێوەیان ل گەل ریفراندۆما سەربەخۆبوونا کوردستانێ نە.''

زێدەتر گۆت: ''وەک چاوان(سەرۆک بارزانی) گۆتی بلا مە کۆمارەکا کوردستانی یە فیدرال هەبیت ئەڤە ژی رامانا هندێ یە کو دێ پتر مافێ پێکهاتان و هەبیت و ئاریشا دەڤەر دەڤەریێ(سلێمانیێ و سۆران و بادینان) ب وی رادەیی نامینیت.''
kdp-