حکوومەتی ئەمریکا چەندین جۆر چەک و تەقەمەنی بۆ هێزەکانی پێشمەرگەی کوردستان دەنێرێت.

بەپێی هەواڵێکی گۆڤاری (فۆرێین پۆلیسی)ی ئەمریکی، کاتی گەشتنی هاوکارییەکەی ئەمریکا بۆ هێزەکانی پێشمەرگە ئاشکرا نەکراوە.

هەروەک گۆڤارەکە ئاماژەی پێ کردووە، ناردنی چەک و تەقەمەنییەکان لە چوارچێوەی یاداشتی لێکتێگەیشتنی نێوان هەرێمی کوردستان و ئەمریکا یە، کە تێیدا ئەمریکا بەڵێنی ناردنی ئەو برە پارەیەی دابوو.

هاوکارییە سەربازییەکان بریتین لە:

- 4400 چەکی M16.

- 100 ئۆتۆمبێلی جۆری هامڤیی گوللەنەبڕ.

- دەیان دۆشکە.

- 36 تۆپی 1.5 ملیمی و چەندین چەکی دیکە.

ئەو هاوکارییانە، کە بەهاکەیان دەگاتە 300 ملیۆن دۆلار، بۆ ئەو دوو لیوایەی وەزارەتی پێشمەرگەیە، کە بە سەرپەرشتیی ئەمریکا پێکهێنراون و مەشقیان پێ کراوە.

رۆژی سێشەممە 12/7/2016، بە چاودێریی مەسعود بارزانی، سەرۆكی هەرێمی كوردستان، کەریم سنجاری، وەزیری پێشمەرگەی هەرێمی كوردستان بە وەكالەت و ئێلیزا سلۆتكین، یاریدەدەری وەزیری بەرگریی ئەمریكا لێكتێگەیشتنێكی سەربازی لە نێوان هەولێر و واشتنیان واژۆ كرد.

وێنەی ئەو چەک و هاوکارییانەی ئەمریکا بۆ پێشمەرگەیان دەنێرێت










باسنيوز