گوتەبێژی فەرمیی سەرۆکایەتیی هەرێمی کوردستان، وێڕای ئەوەی گوازتنەوەی هێزێکی زۆری تیرۆریستان لە لوبنانەوە بۆ سەر سنووری عێراق بە جیی گومان ناو دەبات، ڕایدەگەیێنێ، "جێگەی گومانە و زۆر بە جیددی چاودێری و بەدواداچوونی بۆ دەکەین و، ئەوە بە دووبارەکردنەوەی ئەو سیناریۆیە دەزانین کە لە ساڵی ٢٠١٤ جێبەجێ کرا."


دەقی راگەیێندراوێک لە گوتەبێژی فەرمیی سەرۆکایەتیی هەرێمی کوردستانەوە

ئاژانسەکانی هەواڵ بڵاویان کردەوە کە بەپێی ڕێککەوتنێکی گوماناوی، هێزێکی زۆری تیرۆریستان لە لوبنانەوە گوازراونەتەوە سەر سنووری عێراق.
هێنانی ئەو هێز لە لوبنانەوە بۆ ڕۆژهەڵاتی سووریا و سەر سنوورەکانی عێراق، جێگەی گومانە و زۆر بە جیددی چاودێری و بەدواداچوونی بۆ دەکەین و، ئەوە بە دووبارەکردنەوەی ئەو سیناریۆیە دەزانین کە لە ساڵی ٢٠١٤ جێبەجێ کرا و، بووە مایەی نەهامەتی بۆ عێراق و ناوچەکە.
لێرەشەوە ڕایدەگەیەنین، کە هێزی پێشمەرگەی کوردستان هەماهەنگی و هاوکاریی تەواوی لەگەڵ سوپای عێراق دەبێت بۆ ڕووبەرووبوونەوەی هەر ئەگەر و پێشهاتێک.

kdp-