به‌ڕێوه‌به‌رایه‌تى ئاوى سلێمانى ئاشكراى كرد، كه‌ به‌هۆى شكانى بۆڕى دوومى ئاوى دوكان – سلێمانى ، بۆ ماوه‌ى چه‌ند ڕۆژێك سلێمانى و چه‌ند ناوچه‌یه‌كى ده‌وروبه‌رى، بێ ئاو ده‌بن.



ئامانج جه‌لال، گوته‌بێژى به‌ڕێوه‌به‌رایه‌تى ئاوى سلێمانى له‌ لێدوانێكدا ڕاگه‌یاند: "به‌هۆی شكانی هێڵی دووی ئاوی دوكان- سلێمانی، زۆربه‌ی گه‌ڕه‌كه‌كانی شاری سلێمانی و ته‌واوی گه‌ڕه‌كه‌كانی ناوچه‌ی قڕگه‌ و شار و شاره‌دێكانى چه‌مچه‌ماڵ وشۆڕش و بازیان و پیره‌مه‌گرون و ئه‌ڵایی و گۆپاڵه‌ و ته‌كیه‌ بۆ ماوه‌ى چه‌ند ڕۆژێك، ئاویان پێناگات".



گوتیشى: "ئێستا تیمه‌كانی به‌ڕێوه‌به‌رایه‌تیمان له‌ هه‌وڵدان به‌زووترین كات كێشه‌كه‌ چاره‌سه‌ر بكه‌ن، بۆیه‌ داوا له‌ هاووڵاتیان ده‌كه‌ین له‌و چه‌ند ڕۆژه‌دا ئاو كه‌متر خه‌رج بكه‌ن".
bas news-