به‌ڕێوه‌به‌رایه‌تى ئاسایشی گه‌رمیان، ده‌ستگیركردنى دوو كه‌سى له‌ناو بازاڕى شارى كه‌لار (ناوه‌ندی ئیداره‌ى گه‌رمیان) به‌بڕى پێنج ملیۆن دینارى ساخته‌وه‌، ڕاگه‌یاند.



به‌پێى ڕاگه‌یه‌ندراوه‌كه‌ى به‌ڕێوه‌به‌رایه‌تى ئاسایشی گه‌رمیان، كه‌ وێنه‌یه‌كى نێردراوه‌: "ڕۆژى 25/ 8/ 2017 له‌لایه‌ن هێزه‌كانى یاریده‌ده‌رێتى ئاسایشی كه‌لاره‌وه‌ له‌ناو بازاڕى شارى كه‌لار، دوو كه‌س به‌بڕى 5 ملیۆن دینار عێراقیی ساخته‌وه‌ له‌جۆرى 25 هه‌زار دینارى ده‌ستگیركران".



به‌پێى ڕاگه‌یه‌ندراوه‌كه‌، ده‌ستگیركراوه‌كان كوردن و به‌نیازبوون پاره‌ ساخته‌كه‌ له‌ بازاڕدا ساغ بكه‌نه‌وه‌، هه‌روه‌ها هاتووه‌: "تا كاتى ده‌ستگیركردنیشیان 975 هه‌زار دیناریان له‌و پاره‌ ساخته‌یه‌، به‌كارهێناوه‌".

ئاماژه‌ به‌وه‌شدراوه‌، كه‌ هه‌ردوو ده‌ستگیركراوه‌كه‌ به‌پێى فه‌رمانى دادوه‌ر ڕاگیراون و لێكۆڵینه‌وه‌ له‌گه‌ڵیاندا به‌رده‌وامه‌.


bas news-