به‌ڕێوه‌به‌رى هاتووچۆى ده‌ربه‌ندیخان داخستنى تونێلی ده‌ربه‌ندیخانى به‌ڕووى ئۆتۆمۆبێلی بارهه‌ڵگردا بۆماوه‌ى چه‌ند ڕۆژێك ڕاگه‌یاند.



ڕێژه‌ن بورهان به‌ڕێوه‌به‌رى هاتووچۆى ده‌ربه‌ندیخان ڕاگه‌یاند: "به‌هۆى خراپی ڕێگاى جووت سایدى ده‌روازه‌ى تونێلی ده‌ربه‌ندیخان به‌دیوى شارى ده‌ربه‌ندیخاندا و تێكچوونى ڕێگاكه‌ى، قایمقامیه‌ت و شاره‌وانى ده‌ربه‌ندیخان هه‌ڵده‌ستن به‌ قیرتاوكردنى ئه‌و شه‌قامه‌ و به‌وهۆیه‌وه‌ چوار ڕۆژ هاتووچۆكردنى ئۆتۆمۆبێلى بارهه‌ڵگر به‌و ڕێگایه‌دا ڕاده‌گیرێت".



ئاماژه‌ی بۆ ئه‌وه‌ش كرد كه‌ له‌ سبه‌ی(28-8-2017)ه‌وه‌ هه‌ر بارهه‌ڵگرێك كێشه‌كه‌ى زیاتربێت له‌ 2 تۆن نابێت به‌سه‌ر ئه‌و شه‌قامه‌دا تێپه‌ڕبێت به‌ڵكو ده‌بێت به‌سه‌ر چیاى به‌راناندا هاتووچۆ بكات.
bas news-