بەڕێوەبەری گشتیی کۆمسیۆنی باڵای هەڵبژاردن و ڕاپرسی لە هەرێمی کوردستان ڕەتی کردەوە بۆ ڕیفراندۆمی سەربەخۆیی کوردستان، مامەڵە بە کارتی دەنگدانی عێراقی بکەن.



پاش ئەوەی چەند هاووڵاتییەک نیگەرانیی ئەوەیان بە کۆمسیۆن گەیاند کە بەهۆی ونکردنی کارتی دەنگدانی عێراقییەوە پێیان گوتراوە ناتوانن بەشداری لە ڕیفراندۆمدا بکەن و بۆ تازەکردنەوەی کارتەکە دەبێ 30 هەزار دینار بدەن. کاروان جەلال، بەڕێوەبەری گشتیی کۆمسیۆنی باڵای هەڵبژاردن و ڕاپرسی ڕاگەیاند: بەهیچ شێوەیەک کارتی دەنگدانی کۆمسیۆنی باڵای سەربەخۆی هەڵبژاردنەکانی عێراق لە ڕیفراندۆم و هەڵبژاردنی پەرلەمانی کوردستاندا ناخوات و کاری پێناکرێت”.



ئەوەشی ڕوون کردەوە کە هەر کەسێک دەیەوێ ناوی خۆی تۆمار بکات، دەتوانێ سەردانی ئەو بنکانەی تۆماری دەنگدەران بکات کە کۆمسیۆن بۆ تازەکردنەوەی تۆماری دەنگدەران دەستنیشانی کردوون. گوتیشی: “هیچ پارەیەکیش پێویست نییە".




باسنیوز