رێڤەبەرێ نڤێسینگەھا رزگارکرنا رەڤاندیێن ئێزدی، دیارکرکو دگەل رزگارکرنا باژێری تەلەعفەر چوو پلانێن تایبەت نەھاتبوونە دانان ژلایێ بەغدا ڤە بۆ رزگارکرنا رەڤاندیێن کوردێن ئێزدی.



حوسێن قائێدی، رێڤەبەرێ نڤێسینگەھا رزگارکرنا رەڤاندیێن ئێزدی، دیارکر: "ژ دەستپێکا ئوپەراسیۆنا تەلەعفەر مە داخازا پلانەکا تایبەت بۆ رزگارکرنا رەڤاندیێن ئێزدی کر لێ بەغدا بجە نەئێنا چوو پلان نەھاتنە دانان بۆ رزگارکرنا رەڤاندیێن کوردێن ئێزدی، د وەختەکێ دا سەدان رەڤاندیێن ئێزدی دناڤ تەلەعفەریێدا بوون نھا گەلەک تاخ و گەرەک رزگاربوون ئەو ھژمارا زۆر رەڤاندیێن ئێزدی نەھاتنە دیتن".



خۆیا ژی کر: "بەغدا ھیچ ئوپەراسیۆنەکا تایبەت ئەنجام نەداینە بۆ رزگارکرنا رەڤاندیێن کوردێن ئێزدی مە پێشبینی دکر دێ گەلەک رەڤاندی رزگاربن لێ ھەتا نوکە تەمەت تبلێن دەستان دیارنەبووینە ئەم داخوازی دکەین بەغدا رژدی کاربکەت بۆ دیتنا چارەنڤیسی رەڤاندیێن ئێزدی".
BAS NEWS-