کۆمیسیۆنی باڵای سەربەخۆی هەڵبژاردن و ڕاپرسی لە هەرێمی کوردستان، لە نووسراوێکی فەرمیدا داوا لە هاووڵاتیانی کوردستان لە دەرەوەی وڵات دەکات بۆ بەشداری لە پرۆسەی ڕیفراندۆم ناوی خۆیان لە ماڵپەڕی کۆمیسیۆن تۆمار بکەن.

لە نووسراوەکەی کۆمیسیۆندا هاتووە: "بۆ زامنکردنی بەشداریتان لە پرۆسەی ڕیفراندۆم تکایە لە ڕێکەوتی 2017/9/1 تاکوو 2017/9/7 بەمەبەستی خۆتۆمارکدن بۆ پڕکردنەوەی فۆمری تایبەت بە دەنگدانی دەرەوەی وڵات سەردانی ماڵپەڕی کۆمیسیۆنی باڵای سەربەخۆی هەڵبژاردن و ڕاپرسی بکەن، کەلە ڕێکەوتی 2017/9/1 بەردەست دەبێت".

ئەدرێسی وێب سایتی کۆمیسیۆنی باڵای سەربەخۆی هەڵبژاردن بەم ناونیشانەیە:
www.khec.krd
کە لینکی تۆمارکردن لە ڕێکەوتی 2017/9/1ەوە کارا دەبێت.

سەرکردایەتیی سیاسیی هەرێمی کوردستان لە کۆبوونەوەیەکدا لە ڕێکەوتی 2017/6/7 کەبە سەرپەرشتیی مەسعود بارزانی، سەرۆکی هەرێمی کوردستان، بەڕێوە چوو، بڕیار درا ڕێکەوتی 2017/9/25 ڕیفراندۆمی سەربەخۆیی کوردستان لە هەرێمی کوردستان و کەرکوووک و ناوچە کوردستانییەکانی دەرەوەی ئیدارەی هەرێمی کوردستان بەڕێوە بچێت.










باسنيوز