پسپورێن دبوارێ سیاسیدا دبێژن، ئەگەر وەلاتێن دەردۆر ب ئاشتیانە هزر دڤێ پرسێدا بکەن، ب چ رەنگان مەترسى لسەر دەڤەرێن وان نابیت، بەلكو دێ ئاشتیێ لدەڤەرێ بەرقرار بیت.

(ئارام بالەتەیى)، مامۆستایێ زانکۆیێ، بۆ مالپەرێ فەرمیێ پارتى دیموکراتى کوردستان گۆت:" ئەڤ ریفراندۆمە ئێک ژ فاکتەرێن سەرەکیێن ئاشتیێ نە لدەڤەرێ، جونکى بۆ ماوەیێ 14 سالایە قەیرانێن دناڤبەرا هەرێما کوردستانێ و عیراقێدا چارەسەر نەبووینە و پشتى شەرێ داعشێ، مەترسی هەیە ئەڤ قەیرانە مەزنتر لێ بهێن و بنە ئەگەر شەرەکێ مەزن دناڤبەرا هەر دوو حکومەتاندا و ب تایبەت لسەر وان دەڤەرێن دەرڤەیى هەرێما کوردستانێ یێن پێشمەرگەیى ب خوینا خو ئازاد کرین، دوور نینە داخواز ژ هەرێما کوردستانێ بهێتەکرن خۆ ڤەکێشیت ژوان دەڤەران، ژبەر هندێ سەرکردایەتیا سیاسى نوکە لبن فشارا جەماوەرێ خۆیە بۆ بریاردانا چارەنڤیسێ مللەتێ هندە قوربانى دایى بۆ سەربەخۆیێ و ب تایبەت دەڤەرێن دکەفنە ژێر مادەیا (140) یا دستورێ عیراقێ، جونکى عیراقێ ئەو مافە نەدایە کوردان، حکومەتا هەرێما کوردستانێ خۆ نەجار دیت ب بریاردانا ڤێ پێنگاڤێ و خەلک هاندا بشێوەکێ ئازادانە بریار لسەر چارەنڤیسێ خۆ بدەن، بمینتە دگەل عیراقێ یان کوردستانێ".

مامۆستایێ زانکۆیێ خۆیاکر:" ئەنجامدانا ریفراندۆمێ فاکتەرەکە بۆ بەرقەراربوونا ئاشتیێ لدەڤەرێ، هەر تشتەک لگۆر نە ئارامیکرنا دەڤەرێ بیت لدۆر ئەنجامدانا ڤێ ریفراندۆمێ بۆ پەرژەوەندیێن وان وەلاتان ڤەدگەریت و ب تایبەت ئیرانێ، جونکى هەر پرۆسیسەکا دیموکراسى لدەڤەرێ دئێتەکرن، مەترسى لسەر سیستەمێ حوکمرانیا ئیرانێ دئێتەکرن، ژبەر وێ ئایدولوژیا دینى یا بەرتەنگ، دیسان هەبوونا کوردان ئێک ژوان فاکتەرایە ئیران ژ دەولەتا خو بترسیت، ئەگەر ئەڤ وەلاتە ب ئاشتیانە هزر بکەن، ب دەهان پرۆسیسن ریفراندۆمێ هاتینە ئەنجامدان، نەبووینە ئەگەرێ پەیدابوونا شەران لدەڤەرێ وان، بەرۆڤاژى بووینە ئەگەرێ ئارامیا دەڤەرێن شەر لێ پەیدا بوویى".

(ئەمیر تاها)، سەرۆکێ ئەکادیمیا زانستێن سیاسى راگەهاند:" حکومەتا عیراقێ ڤێ ریفراندۆمێ ب نەشەرعیەت ددانیت و داخوازیت بهێتە پاشئێخستن، لێ چ گرتنى هەنە دێ حکومەتا عیراقێ مافێن کوردا و پێکهاتەیێن دیتر دەتێ، جونکى هەرێما کوردستانێ تاکە دەڤەرە یا ئارامى لێ هەیى".

(ئەمیر تاها)، پتر بەحسکر:" عیراقێ سەرپێچیا ئاشتیێ کریە، بگرە ژ دستورى چ مافێن ئابورى بین وەک (نةدانا بودجەیا هەرێمێ و مووچەیێ پێشمەرکەیى و پێداویستێن لەشکەرى) و مافێن رەوشەنبیرى و جڤاکى و گەلەکێن دیتر، ژبەر ڤێ ئێکى ئەنجامدانا ریفراندۆمێ دێ گەلەک ئاریشەیێن نافخو و نیڤدەولەتى ژى جارەسەر کەت و پتر ئاشتیێ پەیدا کەت".
kdp-