گوتەبێژی یەکێتیی نیشتمانیی کوردستان و ئەندامی شاندی باڵای ڕیفراندۆمی سەربەخۆیی کوردستان بۆ بەغدا ڕای گەیاند، لە کۆبوونەوەی ئەنجومەنی باڵای ڕیفراندۆمدا ئەنجامی کۆبوونەوەکانی بەغدایان دەخەنە ڕوو.



سەعدی ئەحمەد پیرە، ڕاگەیاند: ھەموو ئەو گفتوگۆ و قسانەی لە بەغداوە ھێناومانەتەوە، ئەمڕۆ چوارشەممە 23/8/2017، دەیخەنە بەردەم ئەندامانی ئەنجومەنی باڵای ڕیفراندۆم و بۆیان ڕوون دەکەینەوە کە چی گوتراوە و چیمان بینیوە، پێشیان دەڵێین بڕیاری کۆتایی لە دەستی ئێوە دایە، ناشزانم چ بڕیارێک لەسەر ئەو بابەتانە دەدەن؟".



ئەندامەکەی شاندی باڵای ڕیفراندۆم ڕوونیشی کردەوە کە کۆبوونەوەکەی ئەمڕۆی ئەنجومەنی باڵای ڕیفراندۆم، بە بەرنامە و پلانی نوێ دەبێت و جگە لە بابەتەکانی بەغدا، ”بابەتی ڕیفراندۆم بەگشتی تاوتوێ دەکرێ".



بڕیارە کاتژمێر 2ی پاش نیوەڕۆی ئەمڕۆ، ئەنجومەنی باڵای ڕیفراندۆم بە سەرۆکایەتیی مەسعود بارزانی، سەرۆکی هەرێمی کوردستان بەڕێوە بچێت و تێیدا نوێنەری سەرجەم ئەو لایەن و پێکهاتانەی ئەندامیان لە ئەنجومەنەکەدا هەیە، بەشداری بکەن.




باسنیوز