زانکۆی گەرمیان، ڕای ده‌گه‌یه‌نێت، بۆ ئەمساڵی خوێندن 2017 - 2018 وەرگرتنی قوتابی لە سێ بەشی زانکۆکە، هەڵپەسێردراوە.



هێمن محەمەد ، بەرپرسی یەکەی راگەیاندن لە زانکۆی گەرمیان ، راگەیاند: "بەپێی نوسراوێك کە وەزارەتی خوێندنی باڵا و توێژینەوەی زانستی ئاراسته‌ى زانکۆی گەرمیان، كردووه‌، بڕیاری هەڵپەساردنی وەرگرتنی خوێندكارى له‌ سێ به‌ش داوه‌".



به‌شه‌كان بریتین له‌: بەشی یاسای به‌یانیان و ئێواران، بەشی زمانى عه‌ره‌بى کۆلێژى په‌روه‌رده‌، له‌گه‌ڵ بەشی به‌روبوومى كێڵگه‌یى كۆلێژى كشتووكاڵ.



ئەوەشی خستەڕوو، كه‌ لە بڕیارەکەدا تەنها ئەمساڵ دیاریکراوە، کە لەو بەشانە خوێندكار وەرنەگیرێت، گوتیشی: "نازانین بۆ ساڵانی داهاتوو چ بڕیارێک دەدرێت".



بڕیارەکە لەسەر بنەمای یاداشتێکی پەسەندکراوی بەڕێوەبەرایەتی گشتیی پشکنین و دڵنیایی جۆری دەرکراوە و ئەو بەشانە هەڵپەسێردراوە.
bas news-