بەرپرسێ فەرمانگەھا دھوکێ یا کومسیونا بالا و سەربەخو و راپرسیێ دیارکر کو ھەتا نھا 80% کارێ مە ب دوماھی ھاتیە و ل سەرانسەری پارێزگەھا دھوکێ.



عەلی سالح بەندی، بەرپرسێ فەرمانگەھا دھوکێ یا کومسیونا بالا و سەربەخو و راپرسیێ گوت ژی: "ژ بەر کو خەلکێ موسل ژی ئەوێن ل پشت ھێلا سور ئەوا پێشمەرگێ کوردستانێ دیارکری مافێ دەنگدانێ ھەیە لەورا مە ب فەر دیت داخازێ ژ کومسیونا بالا یا سەربەخو و راپرسیێ بکەین تا کو ل سەنتەرێ قەزا شێخان فەرمانگەھەک بھێتە دامەزراندن و ب دلخوشی ڤە داخازیامە ھاتە وەرگرتن و ئێدی ل شێخان خەلکێ موسل دێ شێن ناڤێن خو پشت راست کەن و ل ھەمان فەرمانگەھێ دەنگێ خو دەن و ژ دەنگدانا ریفراندومێ بێ بەھر نابن".


بەرپرسێ فەرمانگەھا دھوکێ یا کومسیونا بالا و سەربەخو و راپرسیێ نەڤەشارت ژی : "د دەنگدانا 25ی ئەیلولێ دێ باشترین دەنگدان بیت و دەنگدانەکا سادە بیت دویر بیت ژ تەزویرێ و فێلبازیێ و مە ھەمو ئامادەکاریێن باش کرینە تا کو ل وێ رۆژێ ب سەرکەفتیانە ریفراندوم برێڤە بچیت و خەلکێ ل دەڤەرێن ماددێ 140 ژی مینا موسل و کەرکوکێ ژی بێ بەھر نابن ژ دەنگدانێ و دێ ل کەرکوکێ سندوق ھێتە دانان و زێدەباری وێ چەندێ ژی بو خەلکێ موسل دێ ل شێخان سندوق ھێتە دانان و خەلک ژ دەنگدانا ریفراندومێ بێ بەھر نابن".
bas news-