پهكهكه ناهێلیت خهلك قهست بكهنه بهروارى باڵا
فهرسهت عومهر وهلاتیبهكێ ڤێ دهڤهرێیه دبێژیت: "ههر چهنده د وارێ گهشتوگۆزارێ دا وهكو پێدڤى خزمهتا ڤێ دهڤهرێ نههاتیهكرن، ههروهسا ههبوونا بارهگایێن پهكهكێ ل ڤێ دهڤهرێ ژلایهكێ ڤه و ژلایهكێ دیڤه بۆمبهبانكرنا تۆپخانه و فرۆكێن سوپایێ توركیا وهكریه خهلك قهست نهكهنه ڤێ دهڤهرێ ب مهرهما گهشتوگۆزارێ،چونكو پرانیا جهێن گۆزارى پهكهكه لێ ههنه و ئهڤه بوویه ئهگهر د ئهڤ ساله دا بزاڤا گهشتكرنێ ل ڤێ دهڤهرێ لاواز ببیت".
گۆتژى: "ڤێ چهندێ زیانهكا مهزن گههاندیه كهرتێ گهشتوگۆزارێ و ئهو بزاڤا بهرى چهند سالان ههى ژى نوكه نهمایه، چونكو خهلك ژ ترسا بوردۆمانكرنێ ئێدى نهوێرن ژ جادا گشتى دهركهڤن و قهستا جهێن گهشتیارى یێن مینا گهلیێ بێشیلێ و كانى رهشێ و چهندین جهێن دى یێن گۆزارى و شوونهوارى بكهن، ههروهسا خهلك ئێدى نهشێن پهرهپێدانێ ب ڤى كهرتێ گرنگ بدهن ل دهڤهرا بهورارى بالا. سهرهراى هندێ دهرگههێ سهرزێرى ژى ل ڤێ دهڤهرێ دناڤبهرا ههرێما كوردستانێ و وهلاتێ توركیا دا هاتییه ڤهكرن".
رێڤینگ محهمهد وهلاتییهكێ دییه دبێژیت: "ل گهلهك جهێن خۆش و گهشتیارى پهكهكێ بارهگایێن خوه لێ چێكرینه، ههروهسا ل گهلهك جهان ژى پهكهكێ خالێن پشكنینێ داناینه و ناهێلن خهلك زوو ب زوو قهستا وان جهان بكهن بۆ گهریان و گهشتكرنێ، ههروهسا بۆ بۆراندنا دهمێن خۆش، لهورا ئهڤه بوویه رێگریهك ل ههمبهرى خهلكى، ههروهسا ژ ترسا بوردۆمانكرنا توركیا ژى خهلك نهشێن بچنه گهلهك جهێن گهشتیارى".
هێشتا دبێژیت: "نوكه پهكهكه بهرژهوهندیا خهلكێ مه ل بهرچاڤ وهرناگریت و بۆ وان خهم نینه خهلكێ مه مفاى ژ كهرتێ كهشتوگۆزارى وهرگریت، ههروهسا جارهكا دى ئهڤ كهرته جۆره ڤهژاندنهكێ ب خوهڤه ب بینیت، دیسا یا ژ ڤێ خرابتر ئهوه پتریا رۆژان توركیا ب تۆپ و فرۆكان ب بههانهیا پهكهكێ دهڤهر و گوندێن مه بومبهباران دكهت، لهورا ژبلى دهنگێ تۆپ و فرۆكان مه ئاگهه ژ چو دى نینه و خهلكێ مه ژى ئاگهه ژ گهشتوگۆزارێ ژى نهمایه، لهورا گهشتیار ژى ئێدى قهستا دهڤهرا مه ناكهن ب مهرهما گهشتكرنێ".
bas news-
