ئەمڕۆ ھەینی، سەرۆکایەتیی ھەرێمی کوردستان، راگەیەندراوێکی سەبارەت بە ھێرشە تیرۆریستییەکەی شاری بەرشەلۆنەی ئیسپانیا بڵاو کردەوە.

ئەمڕۆ ھەینی 18/8/2017 سەرۆکایەتیی ھەرێمی کوردستان، لە راگەیەندراوێکدا، ئیدانەی کارە تیرۆریستییەکەی شاری بەرشەلۆنەی ئیسپانیا کرد.

راگەیەندراوەکەی ئەمڕۆ ھەینی 18/8/2017ی سەرۆکایەتیی ھەرێمی کوردستان، تێدا ھاتووە: "وێڕای ئەوەی زۆر بە توندی ئیدانەی ئەو کارە تیرۆریستییە دەکەین سەرەخۆشی لە کەسوکاری قوربانیانی ئەو کردەوە دڕندانەیە دەکەین و ھیوای چاکبوونەوەی خێرایش بۆ برینداران دەخوازین".

سەرۆکایەتیی ھەرێمی کوردستان، جەختیشی لەوە کردووەتەوە: "گەلی کوردستان کە خۆی قوربانیی دەستی تیرۆرە و لە سەنگەری پێشەوەی شەڕی تیرۆرە خۆی بە ھاوخەمی شاری بەرشەلۆنا دەزانێت".

دەقی راگەیەندراوەکە:

ئێوارەی ڕۆژی پێنجشەممە 17ـی 8ـی 2017 لە ئەنجامی ھێرشێکی تیرۆریستی لە شاری بەرشەلۆنەی ئیسپانیا 13 ھاووڵاتیی گیانی لەدەستدا و 100 کەسی دیکەیش بریندار بوون.

وێڕای ئەوەی زۆر بە توندی ئیدانەی ئەو کارە تیرۆریستییە دەکەین، سەرەخۆشی لە کەسوکاری قوربانیانی ئەو کردەوە دڕندانەیە دەکەین و ھیوای چاکبوونەوەی خێرایش بۆ برینداران دەخوازین.

گەلی کوردستان، کە خۆی قوربانیی دەستی تیرۆرە و لە سەنگەری پێشەوەی شەڕی تیرۆرە خۆی بە ھاوخەمی شاری بەرشەلۆنە دەزانێت.

سەرۆکایەتیی ھەرێمی کوردستان

18/8/2017











باسنیوز