ئەمڕۆ پێنجشەممە، لە شاری زاخۆ لە سنووری پارێزگای دھۆک کچێک لە لایەن براکەیەوە کوژرا، بکوژەکەش خۆی رادەستی پۆلیس کرد.



ھێمن سلێمان، گوتەبێژی بەریێوبەرایەتیی پۆلیسی دھۆک، ڕاگەیاند: " بەیانی ئەمڕۆ پێنجشەممە 17/8/2017 لە شاری زاخۆ لە سنووری پارێزگای دھۆک، بەھۆی کێشەیەکی کۆمەلایەتییەوە کچێک لە لایەن براکەیەوە کوژرا و دواتر تەرمەکەی فڕێداوەتە ناو رووباری خابوور".



گوتەبێژی بەریێوبەرایەتیی پۆلیسی دھۆک، ئەوەشی خستە روو: "بکوژەکە دوای ئەنجامدانی تاوانەکە، خۆی ڕادەستی پۆلیسی زاخۆ کردوەو تەرمەش لە ئاودا دەرھێنراوە، لێکولینەوەش لە رووداوەکە دەستی پێکردووە".

bas news-