پسپۆرێن یاسایێن نیڤدەولەتی ئاماژە ب وێ یەکێ دکەن کو کوردستانێ هەموو بەندێێن یاساییێن نیڤدەولەتی جێبەجێکرینە، و بەرهەڤە کو دەولەتا خۆ رابگەهێنیت چونکی نها هەموو بنەرەتیێن دەولەتی هەنە.

شارەزایەکی یاسایا نیڤدەولەتی دبێژیت، ل دەسپێکێ مافێ چارەنڤیس مافەکێ هەرە رەها یێ هەر گەلەکێ یە، ل دیف یاسا وپرنسیپێن نیڤدەولەتی دا مادا ١ و مادا ٥٥ ژ چارترا نەتەوەێن ئیگرتی ب شێوەک رۆن بەحس ل ڤی ماڤێ دکەت هەروەکی تێدا هاتیە پێشڤە برنا پەیوەندێن دوستایەتی دناڤبەرا نەتەوا ل سەر بنیاتێ رێزگرتن ل مافێن سەرەکی و وەکهەڤی هەروەسا رێزگرتن ژ پرنسیپێ مافێ چارەنڤیسێ گەلان و کارکرن ل سەر بەرقەرارکرنا ئاشتیا جیهانێ کو ئەفە ئێک ژ گرنکترین پرەنسیپا ڤێ پەیماننامێ دهێتە هەژمارتن.

د کۆمبوونا شاندێ ریفراندۆمێ ل پەرلەمانی ئێکەتیا ئەوروپا، پەرلەمانتارێن وێ پەرلەمانی دووپات ل سەر پێکڤەژیانا ل هەرێمێ و ڕۆلێ پێشمەرگەی ل هەمبەری شەڕێ دژی داعشێ دا بلند نەرخاندن.

(کارگەر عەبدوڵا)، بۆ ماڵپەری فەرمیی یێ پارتی دیموکراتی کوردستان گۆت:'' د ماددا ئیک ژ پەیمانناما مونتیڤیدۆ کو ل سالا ١٩٣٣ هاتیە ئیمزا کرن و ئیک ژ رێکەفتنن نیڤدەولەتێ دهێتە هەژمارتن کو ژ لایێ یاسایڤە چار بنەما دیار کرینە وەکی بنەما بۆ دەولەتبوونێ ئەوژی (گەل وئاخ و حکومەت و شیان و ئیرادا ئەنجامدانا پەێوەندیێن نیڤدەولەتی دگەل وەلاتان ) ئەگەر ئەم شروڤەکێ بدەیەن ڤان هەر چا بنەمایا دنهادا ئیک: کوردستان د بنەرەتدا خودان ئاخەکا دیارکری بوویە دوو: هەروەسا گەلەک یان نەتەوەک هەیە ب ناڤێ نەتەوەیا کورد ب درێژا‌هیا مێژوویێ ل سەر ژیایە، سێ: دنهادا کورد خودان حکومەت پەرلەمان ودەزگایی یە، خودان نیمچە ئابورەکێ باشە هەروەسا خودان هێزا پێشمەرگەیە کو شێایە ب شێوەک باش بەرەڤانیێ ژ سنور و ئاخا کوردستانێ بکەت چار: کوردستان خودان پێگەهەکێ ب هێزە ژلایێ دبلوماسی ڤە و شیایە پەێوەندێن باش دگەل وەلاتان گرێ بدەت، هەر وەکێ ئەم دبینین نها هەولێر بوویە پایتەختێ دیبلوماسیەتێ ل سەر ئاستێ جیهانێ. ژبەر هندێ ل دیف ڤان رێکەفتنێن مە ل سەرێ ئاماژە پێ دای ریفراندوم و سەربخوی مافەکێ یاسای و شەرعیە ل دیف پرەنسیپ ویاسا ورێکەفتنێن دەولێ دا.

نها کوردستان د قادا سیاسی و دبلوماسی دا جهێ خۆ گرتینە و ژ پیش جیهانێ ڤە شەڕی داعشێ دکر و نها وەک دەلەت تەماشە دکەن.

دڤی بیاڤی ژی دا شارەزایەکی دی یێ یاسایا نیڤدەولەتی ب ناڤێ (سلێمان شێخ نەبی)،بۆ ماڵپەڕی فەرمیی یێ پارتی دیموکراتی کوردستان گۆت:'' نها کوردستان بوویە جهێ شەرعیەتدانێ و هەموو جیهان وەک وەڵات تەماشە دکەن، و نها ل رۆژهەلاتا ناڤین بووویە جهێ سەقامگیریێ و بوویە پەناگەهەکا ئارام ژ بۆ هەموو ئەتنیک و ئۆل و مەزهەبان ئەڤە ژی د چاڤێن جیهانا ژ دەرڤەدا خالەکا هەری باشە.

گۆتژی: ل چو جهێن جیهانێ هندە وەڵات نەبووینە پشتەڤانێ هەرێمەکی کو سەربەخۆییا خۆ رابگەهینیت، بتنێ کوردستان نەبیت، ئەڤە رامانا هندێ یە کو هەموو جیهان چاڤ ل کوردستانێ یە، دڤێت ل سەر هەمووێ ژی را کوردستان نافمالیا خۆ رێکبێخیت.
kdp-