رێڤه‌به‌رێ نڤیسینگه‌ها رزگاركرنا ره‌ڤاندیێن ئێزدى دیاركركو زارۆیه‌كێ كوردێن ئێزدى ب ناڤى( ب، م) خه‌لكێ تل بنات ژده‌ستێن تیرۆرستێن داعش هاته‌ رزگاركرن وگه‌هشتنه‌ ناڤ ئه‌ندامێن خیزانا خوه‌ ل پارێزگه‌ها دهۆكێ.



شێخ عیدان كالۆ، رێڤه‌به‌رێ نڤیسینگه‌ها رزگاركرنا ره‌ڤاندیێن ئێزدى دیاركر: " ژیێ ڤى زارۆكێ پێنچ سال بوون ده‌مێ هاتیه‌ گرتن و ره‌ڤاندن ژلایێ تیرۆرستێن داعش ڤه‌ ئه‌ڤه‌ سێ سالن بن زولم و زۆرداریا تیرۆرستێن داعش نوكه‌ ژیێ وى بووینه‌ هه‌شت سال ئه‌ڤرۆ 13/8/2017 ئه‌ڤ زارۆكێ رزگاربووى گه‌هشتنه‌ نڤیسینگه‌ها رزگاركرنا ره‌ڤاندیێن ئێزدى ل دهۆكێ ئه‌ڤه‌ بۆ ده‌مێ چه‌ند رۆژان بوو كار ل سه‌ر رزگاركرنا ڤێ زارۆكێ ئێزدى دهاته‌ كرن مه‌ شیا ژ ده‌ستێن تیرۆرستان رزگاربكه‌ن وگه‌هشتنه‌ ناڤ خێزانا خوه‌".



خۆیا ژى كر: " هه‌تا نوكه‌ سێ هزار و 103 ره‌ڤاندیێن ئێزدى پشته‌ڤانیا سه‌رۆكێ حكومه‌تا هه‌رێما كوردستانێ یێن هاتینه‌ رزگاركرن ئه‌م هه‌ولێن به‌رده‌وامداینه‌ بۆ رزگاركرنا هه‌موو ره‌ڤاندیێن ئێزدى".
bas news-