سەرۆکی فراکسیۆنی پارتی دیموکراتی کوردستان، لە پەرلەمانی کوردستان، ئاماژە بەوە دەدات، کە پەرلەمان کارا بکرێتەوە یان نەکرێتەوە، ریفراندۆم ھەر دەکرێـت.

ئومێد خۆشناو، سەرۆکی فراکسیۆنی پارتی دیموکراتی کوردستان، لە پەرلەمانی کوردستان، رایگەیاند: "پەرلەمان کارابێ و نەبێ، ڕیفراندۆم ھەر دەکرێت، جا ئەوانەی دەیانەوێ پەرلەمان کارا نەبێتەوە، تا ڕیفراندۆم نەکرێ، با دڵنیابن ھەر دەکرێت".

سەرۆکی فراکسیۆنی پارتی، ئەوەشی روون کردەوە: "ئەوانەی دەیانەوێت، پەرلەمان کارابێت، تاڕێگری پێ بکرێت بۆ ئەوەی ڕیفراندۆم نەکرێت، ئەوا ریفراندۆم ھەر دەکرێت".

ئاشکراشی کرد: "بۆیە باشترین ڕێگای بەردەممان، یەکڕیزی، تەبای و تێکگەیشتنی ھاوبەشە، چیتر پێویست ناکات ئاوڕ لە ڕابردوو بدەینەوە،با ڕوانینمان بۆ ئایندەبێت".













باسنیوز