رێڤەبەرێ ناحیا گرعەزیر سەر قەزا شنگالێ ڤە دیارکرکو حەشدا شەعبی ھەول دەت رێڤەبەرەکێ دی بۆ ناحیا گرعزیر بدانیت ھەر دەمێ حەشدا شەعبی ڤێ پێنگاڤ خوە بجە بینت دێ ئەم سکالایی ل سەر تۆمارکەم.



خدر رەشۆ، رێڤەبەرێ ناحیا گرعەزیر دیارکر: "نابیت حەشدا شەعبی گوھرینێن ئێداری ل ناحیا گرعزیر بکەت چونکو ئەم ب دەنگێ جڤاتا ناحیا گرعزیر یێن ھاتینە دان ئەو جڤات ژێ دەنگی خەلکی گرعزیر یا ھاتیە دان ونابیت بێ دەنگدانا خەلکێ گرعەزیر گوھورێن ئێداری بھێنە کرن ھەر دەمێ حەشدا شەعبی بێ رازیبوونا جڤاتا ناحیا گرعزیر و خەلکێ دەڤەری تشتەکێ ھوسا بجە بینت دێ ئەم نەچاربن ل دادگەە سکالایی تۆمار بکەن".



خۆیا ژی کر: "ھەتا نوکە ژ بەر حەشدا شەعبی خەلک نەشین ڤەگەرنە سەر مالێن خوە ل ناحیا گرعەزیر ئەم ژی نوزانین بۆجی دێ گوھۆرینان کەن دێ وان گوھورینان خزمەتا کی ھێتە کرن ھەکە خەلک ل سەر مالێن خوە نەبن".

BAS NEWS-