رێڤەبەرێ گشتیێ ساخلەمیا پارێزگەھا دھۆکێ دیارکرکو نەخۆشخانەکا 100 تەختی بکۆژمی 44 ملیار دینار دێ قەزا شنگال ھێتە ئاڤاکرن وگەلەک پێنگاڤ بۆ ئاڤاکرنا وێ نەخۆشخانێ ھاتینە ھاڤیتن.



د. نزار عیسمەت، رێڤەبەرێ گشتیێ ساخلەمیا پارێزگەھا دھۆکێ، دیارکر: "نەخۆشخانا شنگال دەلیڤە تێدانەبوویە بھێتە نووژەنکرن وئاڤاکرن، چونکو گەلەک ھاتبوو وێرانکرن ژلایێ تیرۆرستێن داعش ڤە و نوکە نەخۆشخانا سنوونێ کاردکەت و ب ھەڤکاریا گەلەک رێکخراوان ئەم شیاین ھولا زارۆکبوونێ بۆ ماوێ 24 دەمژمێران بێخینە دکاری دا ل ناحیا سنۆنێ لێ کێماسیا دەرمان و پێدڤیێن نوشداری وستافی ھەیە، ئەڤەژی کێشەکا سەرانسەری یە ل ھەرێما کوردستانێ ھەروەسا ژی چونکو ئەو بنگەە ونەخۆشخانە ژلایێ ئیداری ڤە سەر ب مووسل ڤەنە، ئەڤە ژی ئاریشا بۆ مە دروست دکەت".



خۆیا ژی کر: "دەڤەرێن تازە رزگاربووی، وەکو دەڤەرێن زومار، سنوونی و رەبیعە ب ھەماھەنگی دگەل رێکخراوێن نێڤدەولەتی بنگەھێن ساخلەمیێ یێن لێ ھاتینە نووژەنکرن وخزمەتێن تەندروستی پێشکیشی خەلکێ دکەن".

BAS NEWS-