شه‌ڕی نێوان په‌كه‌كه‌ و حكوومه‌تی توركیا به‌رده‌وامه‌، ئه‌گه‌رچی توانرا تا ئاستێكی زۆر شه‌ڕی ناو شاره‌كان كۆتایی بێت، به‌ڵام په‌كه‌كه‌ بۆ ئه‌وه‌ی بیسه‌لمێنێ هه‌ر هه‌یه‌ و كۆتایی پێ نه‌هاتووه‌، ناو بەناو په‌لاماری هێزی سه‌ربازی توركیا ده‌دات.


ئه‌مڕۆ له‌ باتمان له‌ ناوچه‌ی سۆسان، كاتێك هێزێكی سه‌ربازی توركیا به‌وێدا تێپه‌ڕیوه‌، په‌كه‌كه‌ بۆمبی چێنراوی پێیاندا ته‌قاندووه‌ته‌وه‌ و 2 سه‌ربازی توركیا كوژراون.


دوای ئه‌و رووداوه‌ش، هێزێكی زۆری توركیا له‌و ناوچه‌یه‌ بڵاوه‌یان پێكراوه‌ بۆ ده‌ستگیركردنی ئه‌و چه‌كدارانه‌ی په‌كه‌كە، كە ئه‌و بۆمبه‌یان دانابووه‌وه‌، به‌ڵام نه‌یانتوانیوه‌ هیچ چه‌كدارێكی په‌كه‌كه‌ ده‌ستگیر بكه‌ن و گه‌ڕانیش به‌رده‌وامه‌.


له‌ ماوه‌ی 10 رۆژدا ته‌نیا له‌ شاره‌كانی شرناخ و هه‌كاری و باتمان، زیاتر له‌ 10 سه‌ربازی توركیا كوژراون و زۆربه‌شیان بۆمبی چێنراویان پێدا ته‌قیوه‌ته‌وه‌.
BAS NEWS-