رێڤه‌به‌رێ گشتی یێ ساخله‌میا پارێزگه‌ها دهۆكێ دیاركر كو سێ سالێن بۆرێدا پتر ژ 24 هزار زارۆك ل ناڤ كه‌مپێن ئاواران هاتینه‌ سه‌ر دونیاى ژ دایكبووینه‌ و خزمه‌تێن ته‌ندروستى ل كه‌مپێن ئاواران بۆ هه‌موو ژنێن دووگیان دهێنه‌ پیشكێشكرن.


د. نزار عیسمه‌ت ته‌یب رێڤه‌به‌رێ گشتى یێ ساخله‌میا پارێزگه‌ها دهۆكێ دیار كر "هه‌ر ژ ده‌مێ هاتنا ئاواران بۆ پارێزگه‌ها دهۆكێ 3/8/2014 هه‌تا ئه‌ڤرۆكه‌ ل نه‌خۆشخانێن دهۆك و یه‌كێن ژدایكبوونى ل كه‌مپیێن ئاواران پتر ژ 24 هزار زارۆك ژدایك بووینه‌ دبه‌رامبه‌ر ژێ دا سێ سالێن بۆریدا 881 كه‌سان ل كه‌مپێن ئاواران گیانى خوه‌ ژده‌ستداینه‌ و چاره‌سه‌ریا پتر ژ دوو ملیون كه‌سێن ئاواره‌ ل نه‌خۆشخانێن دهۆك هاتیه‌ كرن".


خۆیا ژى كر "یه‌كێن ژدایكبوونى ل گه‌له‌ك كه‌مپێن ئاواران هاتینه‌ ڤه‌كرن و به‌رده‌وام خزمه‌تێن ته‌ندروستى پێشكیشى دایكێن دووگیان دكه‌ن هه‌تا نوكه‌ چوو نه‌خۆشێن مه‌ترسیدار ژێ دناڤ ئاوارێن پارێزگه‌ها دهۆكێدا په‌ێدانه‌بووینه‌".
bas news-