پاش ئەوەی لە ماوەی پێشتردا (جەلال شێخ نووری) قائیمقامی کفری بەوەکالەت رەخنەی لە سەرپەرشتیاری ئیدارەی گەرمیان گرت ، ئەمڕۆ بە روونکردنەوەیەک داوای لێبووردنى كرد.



له‌ روونکردنەوەیەکی جەلال شێخ نووری، قائیمقامی شاری کفری کە وێنەیەکی دراوە ، هاتووە: "دوای دەستلەکارکێشانەوەم لەرۆژی 20ی حوزەیرانی ئەمساڵ، لە پۆستی قایمقامی کفری، لە هەندێک سایت و کەناڵەکانی راگەیاندن ئەو بابەتە زیاد لە قەبارەی خۆی گەورە کرا".



لە روونکردنەوەکەیدا قایمقامی کفری نووسیویه‌تى: "بەناوی منەوەی قسەو تەشهیر دراوەتە پاڵ بەرێز سەرپەرشتیاری ئیدارەی گەرمیان، من ئەو هەموو قسە و قسەڵۆکانە رەتدەکەمەوە و داوای لێبووڕدن لە هەموو ئەو قسانە دەکەم کە بوون بەهۆی بێزارکردنی بەڕێزیان ".



لەسەر ئەو ڕوونکردنەوە هەڤاڵ ئیبراهیم گوتەبێژی ئیدارەی گەرمیان ڕاگەیاند: "ڕوونکردنەوەکەی قایمقامی کفری ئەمڕۆ بە فەرمی گەیشتووەته‌ ئیدارەی گەرمیان ".
bas news-