بەڕێوەبەرایەتیی پۆلیسی ھەولێر، ئاماژە بەوە دەدات کە تۆمەتبارێکیان دوای دزینی 15 مۆبایل، دەستگیر کردووە.

باساک فەرەج رەحیم، ئەفسەری نووسینگەی رۆژھەڵات، تایبەت بە پەیجی (ھەولێر پۆلیس)ی بەڕێوەبەرایەتیی پۆلیسی ھەولێری راگەیاندووە: "کەوا ئاگادار کراینەوە بەبوونی رووداوی دزیکردن لە بازاڕی لەنگەی نوێ، دەستبەجێ تیمەکانمان گەیشتنە شوێنی ڕووداوەکە، دوای لێکۆڵینەوەیەکی ورد توانرا ناسنامەی تۆمەتبار ئاشکرا بکرێت و لە بۆسەیەکدا دەستگیری بکەین".

ئەو ئەفسەرە، ئەوەشی خستوەتەڕوو: "تۆمەتبار بەناوی (ت. ح. س)، ٢٦ ساڵە، دوای دەستگیرکردنی دانی نا بەتاوانەکەی کە ١٥ مۆبایلی جۆراوجۆری دزیوە، بڕەکەی دەکاتە 7 ھەزار دۆلاری ئەمریکی".

ئاشکراشی کرد: "پەڕاوی لێکۆڵینەوەی بۆ ڕێکخرا و ڕەوانەی بەردەم دادوەر کرا، دادوەر بڕیاری بەندکردنی تۆمەتباری بەپێی مادەی (٤٤٣) لەیاسای سزادانی عێراقی، سزا دا".







باسنيوز