ئەندامێكی پەرلەمانی عێراق لەسەر فراكسیۆنی پارتی دیموكراتی كوردستان ڕای دەگەیەنێت، ئێمە وەك نوێنەری كوردستان لە كۆنفرانسی سەرۆك شارەوانییەكانی جیهان لە یابان دەنگی خەڵكی كوردستانمان گەیاند.

سیروان عەبدوڵا، ئەندامی ئەنجومەنی نورێنەرانی عێراق لەسەر لیستی پارتی دیموکراتی كوردستان ڕای گەیاند: "كۆنفرانسی سەرۆك شارەوانییەكان بۆ ئاشتیی جیهان هەر چوار ساڵ جارێك لە هێرۆشیما و ناكازاكی ئەنجام دەدرێت، هەروەها 162 وڵات بەشداریی تێدا دەكەن كە 7 هەزار و 700 سەرۆك شارەوانی تێدا ئەندامن، ئێمەش وەك نوێنەری كوردستان دەنگی گەلی كوردستانمان بە بەشدابوانی کۆنفرانسەکە گەیاند".

ئەو ئەندام پەرلەمانە دەشڵێت: "ئامانج لە بەشداریكردنی ئێمە لەم كات و ساتەدا ئەوە بوو، كە دۆخی هەرێمی كوردستان و بابەتی ڕیفراندۆم و پاڵپشتی بۆ هەرێمی كوردستان وەربگرین، وتارێكمان پێشكەش كرد، كە تێیدا باسی تراژیدیای هەڵەبجە، ئەنفال، مافی گەلی كوردستان و ڕیفراندۆمان كرد، داوای پاڵپشتیی و دانپێدانانی وڵاتانمان كرد، دوای ئەنجامی پرسی ڕیفراندۆم، هەروەها ڕێز لە ئیرادەی خەڵكی كوردستان بگرن، داواشمان كرد كە دەنگی ئێمە بە سەركردە و بەرپرسانی باڵا وڵاتەكانیان بگەیەنن، زۆر دڵنیاشم كە وتارەكەمان كاریگەریی خۆی لەسەر بەشداربووانی كۆنفرانسەكە هەبووە".

بەڤیدۆ بەشێك لە وتاری نوێنەرانی کورد لە كۆنفرانسی سەرۆك شارەوانییەكانی جیهان لە یابان.









باسنیوز