ئەندامێکی ئەنجومەنی نوێنەرانی عێراق، ئاماژە بەوە دەدات کە لەگەڵ باڵیۆزی زۆربەی وڵاتان کۆبوونەتەوە، ھیچ وڵاتێک دژی پرسی ریفراندۆم نییە.

د. پەریوان خەیلانی، ئەندامی ئەنجومەنی نوێنەرانی عێراق رایگەیاند: "لایەنە عێراقییەکان پێیان راگەیاندووین کە رێز لە بڕیاری خەڵکی کوردستان دەگرن، چونکە ئەوە چارەنووسی گەلی کوردستانە".

ئەو پەرلەمانتارە، ئەوەشی خستەڕوو: "وەک پەرلەمانتار، سەردانی چەندین باڵیۆزی وڵاتانمان لە بەغدا کردووە، زۆربەیان رایانگەیاندووە کە ریفراندۆم مافی ھەموو گەلێکە، بڕیار لە چارەنووسی خۆی بدات و ئێمەش رێزی لێدەگرین و دژی نابین، بەڵام تێبینیان لەسەر کاتە ھەبوو، لەگەڵ ئەوەش ھیچ لایەنێک دژی نەبوو".

ئاشکراشی کرد: "تادێت پرسی ریفراندۆم گەرمتر دەبێت و کاردانەوەکانیش خێراتر دەبن".








باسنیوز