سەرکردەیەکی ئەنەکەسێ راگەهاند، د هەیڤا بۆری تەمموزی دا پەکەکێ چەندین پێشێلکاری ل هەمبەری خەلکێ کرینە و، 5 کەس رەڤاندینە.

(محەمەد ساڵح)، بۆ ماڵپەرێ فەرمیی یێ پارتی دیموکراتی کوردستان گۆت: ''د هەیڤا بۆری دا چەندین سەرکردەیێن هزریێن جیاواز ژ پەکەکێ هاتینە گرتن و د زێندانێن وان دانە، و هەتا نها چارەنڤیسێ وان یێ دیارنینە، و رەوشا ساخلەمیا هندەک ژ وان تێکچۆییە، ئەو ژی پشتی راپۆرتێن نیڤدەولەتی ئاماژێ ب رەوشا وان دایە ژنیکا پەکەکێ رەوشا وان یا ساخلەمی ئاشکەرا دکەت.''

گۆتژی: ''ئەو ئامارا ل بەر دەستێ مە کو ژمارەکا ئەندامێن پارت و رێکخراوان تێدا هەنە ژوانا ژی(عەلی تەمێ) ئەندامێ شەپێلا پیشەرۆژا کورد ل سوریا، و (عەبدلرەحمان ئابۆ)، ئەندامێ لیژنا ناڤەندی یا پارتی دیموکراتی کوردستان- سوریا، و (رۆدیا ئیبراهیم) چالاکڤان د رێکخراوا گرێ سپی دا ژ پارتی ئێکەتی دیموکراتی کوردی ل سوریا، و (کاسترۆ عەبدولعەزیز) ئەندامێ پارتی دیموکراتی کوردستان- سوریا ، و (ماجد داوود)، ئەندامی پارتیا وەکهەڤی یا کوردی.''

ناڤهاتی ئەو چەندە ژی خویاکر، کو ژبلی ڤان ڤان سەرکردەییان ژمارەکا زۆر یا سەرکردە و ئەندامێن دی د زێندانێن پەکەکێ دانە و هەتا نها چارەنڤیسێ وان دیار نینە، و چەندین رێکخراوێن مافێ مرۆڤان داخواز کرینە چارەنڤیسێ ڤان کەسان خویا بکەت، بەلێ هەتا نها د بێ ئەنجامن.

(ساڵح) زێدەتر گۆت: ''سەرەرای ئەڤان کریاران کو پەکەکە لەشکەرییا ب زۆری د سەپینیت کو ئەڤ جۆرە لەشکەرییە یە رەتکرییە ژ لایێ خەلکێ رۆژئاڤاڤە بەلێ پەکەکە پارتەکە خۆ سەپێنە و هزرێن جیاواز پەسەند ناکەت، و گەنجا درەڤینیت و باجێ ددانێتە سەر خەلکێ و بازاران، و ژیانا سیاسی و جڤاکی د رۆژئاڤا دا تێکدایە.''
KDP-