کورتە بالا یێن پارێزگەها دهۆکێ دبێژن، کەسێن خودان پێدڤیێن تایبەت ب گرنک دزانین دەنگ ب بەلێ بۆ ریفراندۆمێ بدەن، جونکى بتنێ زۆلم و زوردارى ژ وەلاتێ عیراقێ دیتیە و ئێدى دەمە ڤێ زولمێ لسەر مللەتێ خۆ راکەن.

(وەحید جیجو)، سەرۆکێ کومەلا کورتە بالا ل دهۆک، بۆ مالپەرێ فەرمیێ پارتى دیموکراتى کوردستان راگەهاند:" ریفراندۆم پرسەکا هەرە گرنگە بو هەر تاکە کەسەکێ کوردستانى، هیڤی و ئومێدا مەیە بگەهینە ڤێ روژێ ژبۆ خزمەتکرن و دەنگدانێ ب روژا سەربەخویا کوردستانێ".

(وەحید جیجو)، دیارکر:" ئەم وەک کەسێن خودان پێدڤیێن تایبەت ب گرنک دزانین دەنگ ب بەلێ بۆ ریفراندۆمێ بدەین ژبۆ هندێ ب تێکرایا مافێن خو شاد ببین، دا ل پاشەرۆژێ ب یاسا و دستور مافێن مە ددەولەتا کوردیدا دپاراستى بن".

(نەسیبا یاسین)، ئەنداما کومەلا کورتە بالا، ئاماژەدا:" ‎ل وەڵاتێن دیمۆکرات ژبۆ وەرگرتنا بیروبۆچون و دەنگدان لسەر بابەتێن هەرە گرنگ و چارەنڤیس، رێفراندۆمێ بکار دئێنن، بڤی رەنگى سەرکردایەتى رۆژەکێ دەستنیشان دکەت ‎و دوێ رۆژێدا خەلک بەرەف سندووقێن دەنگدانێ ڤە دجیت و دەربرینێ ژ ڕاو بۆچوونێن خو دکەن".

(نەسیبا یاسین)، زەلاکر ژى:" ڕێفراندوما کۆردستانێ ژى بۆ دەربرینکرنێ یە، دگەل عیراقێ یان کوردستانێ بمینین، ژبەر هندێ ب بڕیارا سەروکێ هەڕێما کوردستانێ (مەسعود بارزانى)، رۆژەک هاتیە دەستنیشان کرن دا خەلکێ کۆردستانێ ب ئازادییانە داخوازا مافێ خویێ رەوا بکەن لسەر سەربەخۆیا کۆردستانێ و جودابوون ژ عێراقێ، ژبەر ڤێ ئێکێ دێ دەنگ ب بەلێ دەم، جونکى بتنێ مە زۆلم و زورداریا ژ وەلاتێ عیراقێ دیتى و ئێدى دەمە ڤێ زولمێ لسەر مللەتێ خۆ راکەین و قەبیل ژى نەکەین".

کومەلا کورتە بالا، سالا 2012ێ ل دهۆکێ هاتیە دامەزراندن، ب پێنچ پشکان پێک دئێت و 220 ئەندامان بخوڤە دگریت.
kdp-