گوتەبێژی بەرگریی شارستانیی ڕاپەڕین ئاشکرای کرد، کە ھاووڵاتییەک لە کاتی مەلەکردندا، لە سنووری شاری ڕانیە، خنکاوە.

حوسێن عەبدوڵا، گوتەبێژی بەرگریی شارستانیی ڕاپەڕین، لەم بارەیەوەڕایگەیاند: "دوای نیوەڕۆی ئەمڕۆ ھەینی 8/4/2017، ھاووڵاتییەک لەکاتی مەلەکردندا، لە بەنداوی سەروچاوەی سنووری شاری ڕانیە، خنکا".

باسی لەوەش کرد، کە ئەو ھاووڵاتییە ناوی (د.ک)، تەمەنی 19 ساڵە و دانیشتووی گوندی کفرەدۆڵی شارەدێی حاجیاوایە.

ئاماژەی بەوەش کرد، کە دوای ماوەیەک تەرمەکەی ھێنرایە دەرەوە و بە مەبەستی توێکاری پزیشکی، ڕەوانەی نەخۆشخانە کرا.









باسنیوز