لە پردێکی سەر ڕێگاى کەلار- دەربەندیخان له‌ سنوورى ئیداره‌ى گه‌رمیان، ئۆتۆمبێلێکی بارهەڵگری پڕ سووتەمەنی وەردەگەڕێت و به‌و هۆیه‌شه‌وه‌ سووتا.



نەقیب کارزان مەجید، بەرپرسی بەشی راگەیاندن و پەیوەندییەکانی هاتوچۆی ئیدارەی گەرمیان ڕاگەیاند: "ئێوارەی ئەمڕۆ چوارشەممە (2/ 8/ 2017) کاتژمێر 4:45 لەسەر رێگاى کەلار- دەربەندیخان، نزیک شارەدێی باوەنوور ئۆتۆمبێلێکی بارهەڵگری تانکەر کە سووتەمەنی بارکردبوو لە پردێک کەوتە خوارەوە".



گوتیشی: "پاش کەوتنەخوارەوەی، تانکەرەکە سووتاوە و بەوهۆیەوە شۆفێرەکەی بریندار بووە".



ئاماژەی بەوەش کرد، كه‌ شۆفێرەکە بەسەختی برینداربووە و لەنەخۆشخانەی باوەنوور چارەسەری سەرەتایی بۆکراوەو دواتر بەهۆی سەختی برینەکەیەوە ڕه‌وانه‌ى نەخۆشخانەی فریاكه‌وتنى سلێمانی كراوه‌".
BAS NEWS-