سەرۆکێ ئێکەتیا سەندیکا کرێکارێن کوردستانێ تایێ دهۆکێ راگەهاند، کرێکارێن کوردستانێ پێشتەڤانیا ریفراندۆم و جودابوونا هەرێما کوردستانێ دکەن و لڤان نیزیکان دێ ب چەندین جالاکیان دەربرینێ ژڤێ پرسا نیشتیمانى کەین.

پشتى کومبوونەکا بەرفرەها 16 لایەنێن سیاسى لسەر پرسا ریفراندۆمێ و دەستنیشانکرنا رۆژا 25/ 9ێ ئەڤ سالە، ژبۆ ئەنجامدانا ریفراندۆمێ، خەلکێ کوردستانێ و جیهانى بەحس لڤێ یروسیسا دیرۆکێ کر، لدویڤ راسپاردەیا سەرۆکێ مەکتەبا تنفیزى یا ئێکەتیا سەندیکایێن کرێکارێن کوردستانێ، سەندیکا کرێکارێن کوردستانێ تایێ دهۆک ب بریارەکا فەرمى یا ژمارە (227)، لرێکەفتى 25/ 7/ 2017ێ، ب پشکداریا 8 سەندیکایێ کریکاران ل قەزایێن سەر پارێزگەها دهۆکێ ڤە، دگەل هەمى لێژنێن سەندیکى یێن قەزایێن سەر ب پارێزگەهێ ڤە، رازى بوون کار بۆ پشکدارى و بەرهەفبوونێ دپرسا ریفراندۆمێ و سەرئێخستنا ڤێ پرۆسێ بکەن، (عیسا نسرى)، سەرۆکێ ئێکەتیا سەندیکا کرێکارێن کوردستانێ تایێ دهۆک، بۆ مالپەرێ فەرمیێ پارتى دیموکراتى کوردستان راگەهاند:" دێ ل ڤان نیزیکان سەرەدانا هەر باژێرەکێ ژ جولەمەرگ- وان- باتمان- شەرنەخ- ئامەد- مێرسین ل باکورێ کوردستانێ کەین ژبۆ دان و ستاندن و خرڤەبوونەکێ بۆ پێشتەڤانیکرنێ ل ریفراندۆما باشورێ کوردستانێ".

(عیسا نسرى) گۆتژى:" مە چەندین لێژنە پێکئیناینە بۆ ڤێ مەرەمێ، ئەو ژى لێژنا بلندا ریفراندۆمێ- لیژنا دارایى- لێژنا ئیدارى و لێژنا راگەهاندنێ، دهەمان دەمدا چالاکیێن مە ل سنۆرێ پارێزگەها دهۆکێ ژى ب هاندن و خرڤەبوون بۆ کرێکاران دێ ئێنە ئەنجامدان ب پشکداریا هەمى سەندیکایێن هەرێما کوردستانێ و ب مێهڤانداریا سەندیکایێن عیراقێ، ژبۆ بهێزکرنا پێشتەڤانیکرنێ ل جارەنڤیسێ کوردان".

ئێکەتیا سەندیکا کرێکارێن کوردستانێ ل سالا (1992) هاتیە دامەزاندن، ئێکەتیا سەندیکا کرێکارێن کوردستانێ تایێ دهۆکێ ل سالا (1969) هاتیە ڤەکرن و ب (5) پشکا پێک دئیت و نیزیکى (70) کادر و کارمەند تێدا کار دکەن و ئەندامێن ئێکەتیا سەندیکا کرێکارێن کوردستانێ تایێ دهۆک (15961) کەسن.

kdp-