گەنجەکێ ئاکنجیێ قەزا شێخان سەر ب پارێزگەھا دھوکێ، ڤە وەکە پشتەڤانی و ھەستێ وی یێ نەتەوایەتی، ب تیشێرتەکێ جوان کو لوگویێ (بەلێ) بو ریفراندومێ دگەل نەخشێ جوانێ کوردستانێ ، لبەر خو کریە ، ل نیڤەکا وەلاتێ تورکیا د سەدان کولانێن ئیستەمبولێ دا گەریایە و پشتەڤانیا خو بو ریفراندوم و سەربەخویا کوردستانێ دیارکریە.

داخاز شاکر، ئەو گەنجێ خەلکێ قەزا شێخانە ل سنورێ پارێزگەھا دھوکێ تایبەت دیارکر: "بو مەرەما گەشتەکێ من سەرەدانا وەلاتێ تورکیا ل باژێرێ ئیستەمبولێ کریە و من دڤیا وەکە گەنجەکێ کورد پشتەڤانیا خو بو سەربەخویا کوردستانێ ل وەلاتێن بیانی دیاربکەم".

ناڤبری ئەو چەندە ژی نەڤەشارت: "من ب تیشێرتەکێ لوگویێ (بەلێ)بو سەربەخویا کوردستانێ و نەخشێ جوانێ کوردستانێ ھاتن و چوون ل سەدان کولانێن تورکیا ل ئیستەمبولێ کریە و دەمێ خەلکێ تورکیا ئەز ب وی رەنگی د دیتم د مانە سەرسام و نە ئارامی نک گەلەک کەسان دروست بویە لێ ئەز ھەر د کاریَِ خو و پشتەڤانیا خو بو سەربەخویا کوردستانێ یێ بەردەوام بوم و گوت ژی: ب رح و گیانێ خو پشتەڤانێ ریفراندومێ مە تا کو ئێدی ناڤێ کوردستانێ ب سایا خوینا شەھیدان و رەنجا سەروکێ ھەرێما کوردستانێ ل ھەمی جیھانێ دەنگ ڤەدەت".









باسنیوز