ئه‌مڕۆ (سێشه‌ممه‌ 1/ 8/ 2017) خوشك و برایه‌ك له‌ به‌نداوى دوكان خنكان، كه‌ ماوه‌یه‌كه‌ به‌مه‌به‌ستى كارى ئاژه‌ڵدارى له‌ سنووره‌كه‌ نیشته‌جێن.



ساڵح كڵێسه‌یى، به‌ڕێوه‌به‌رى شاره‌دێى خدران، له‌ لێدوانێكدا ڕاگه‌یاند: "ئه‌و دوو كه‌سه‌ى خنكاون خوشك و برای یه‌كدین، ساڵانه‌ بنه‌ماڵه‌كه‌یان به‌مه‌به‌ستى ئاژه‌ڵدارى ڕوو له‌ گوندى مێوژه‌ى سنورى شاره‌دێى خدران ده‌كه‌ن له‌نزیك به‌نداوى دوكان".



گوتیشى: "به‌ڵام ئێوارەی ئەمڕۆ لەکاتێکدا مەلەیان کردووە، خنکاون و دواتر لەلایەن هاووڵاتیانەوە تەرمەکانیان هێنراوەتە دەره‌وه‌".



ئاماژه‌ى به‌وه‌شدا، كه‌ بەمەبەستی توێکاری پزیشکیی، ته‌رمه‌كانیان ڕەوانەی پزیشكی دادوه‌رى کراون.



كچه‌کە ته‌مه‌نی چوارده‌ ساڵه‌ و ناوی (ح، ج)ـه‌ و کوڕەکەش ته‌مه‌نی حه‌وت ساڵه‌ و ناوی (ج، ج)ـە.

bas news-