پارێزگاری کەرکووک، بۆ کەناڵێکی ئەمریکی رایگەیاند کە چیتر کورد ناتوانێت لە عێراق بمێنێتەوە.



نەجمەدین کەریم، پارێزگاری کەرکووک، لە دیمانەیەکی کەناڵی (CNN) ئەمریکی رای گەیاند: "مێژووی پەیوەندییەکانی کورد و عێراق و ئەو ستەماکارییانەی لە کورد کراوە لە لایەن بەغداوە دەیسەلمێنێت کە چیتر کورد ناتوانێت لە عێراق بمێنێتەوە".


پارێزگاری کەرکووک، ئەوەشی خستووەتە روو: "زۆر لایەن و وڵات ھەن دەستێوەردان لە کاروباری ناوخۆی عێراق دەکەن، ئەگەر عێراق بەھەمان رێچکەی ئێستای بەردەوام بێت، باوەڕ ناکەم بە یەک پارچەیی بمێنێتەوە".



ئاشکراشی کرد: "سەرەڕای ئەوەی ئەمریکا ھاوکاری زۆری عێراقییەکانی کردووە،‌ بەڵام ئێستاش ژمارەیەکی زۆر لە سەرکردەکانی عێراق، ئەمریکا بە ‌دوژمنی خۆیان دەزانن".
bas news-