ئه‌مڕۆ سێشه‌ممه‌ شاندێكی باڵای پارتی دیموكراتی كوردستان به‌ سه‌رۆكایه‌تی نێچیرڤان بارزانی جێگری سه‌رۆكی پارتی سه‌ردانی مه‌كته‌بی سیاسی یه‌كگرتووی ئیسلامی كوردستانی كرد.



شانده‌كه‌ی پارتی له‌لایه‌ن سه‌ڵاحه‌دین محه‌مه‌د به‌هائه‌دین ئه‌مینداری گشتی و ژماره‌یه‌ك ئه‌ندامی سه‌ركردایه‌تی یه‌كگرتووی ئیسلامی كوردستانه‌وه‌ پێشوازییان لێكرا.



به‌پێی ڕاگه‌یه‌نراوێكی ڕاگه‌یاندنی ئه‌مینداری گشتی یه‌كگرتوو كه‌ وێنه‌یه‌كی ده‌ست ) كه‌وتووه‌ ئاماژه‌ دراوه‌ به‌ ئه‌وه‌ی كه‌ له‌ كۆبوونه‌وه‌كه‌دا جه‌خت كرایه‌وه‌ له‌سه‌ر چاككردنی خێرای مووچه‌ و بژێوی خه‌ڵك و هه‌رچی زوو چاره‌سه‌ركردنی كێشه‌ و گرفته‌كانی هاووڵاتیان .



ئه‌وه‌ش ڕوونكراوه‌ته‌وه‌ كه‌ له‌و كۆبوونه‌وه‌یه‌دا گفتوگۆ ده‌رباره‌ی ئاینده‌ی سیاسی هه‌رێمی كوردستان و عێراق و ناوچه‌كه‌ كراوه‌ جه‌ختیان له‌وه‌ كردووه‌ته‌وه‌ كه‌ پێویسته‌ لایه‌نه‌ سیاسیه‌كانی هه‌رێمی كوردستان گۆرانكاری ناوچه‌كه‌ به‌هه‌ند وه‌ربگرن و هه‌وڵی جدی بده‌ن بۆ یه‌كخستنی هه‌ڵوێستیان له‌ پرسه‌ نیشتیمانی و نه‌ته‌وه‌ییه‌كاندا و هه‌روه‌ها پاراستنی یه‌كریزی نیشتمانی و هه‌وڵدان بۆ ئاشته‌وایه‌كی نیشتمانی گشتگیر، كه‌ سه‌رجه‌م لایه‌نه‌كان تێیدا به‌شدار بن.



له‌ به‌شێكی كۆبوونه‌وه‌كه‌دا پرسی ریفراندۆم و ئاماده‌كاری پێویست بۆ ئه‌نجامدانی تاوتوێكرا خوازرا په‌له‌ بكرێت له‌ كاراكردنه‌وه‌ی په‌رله‌مان و نه‌هێشتنی ئه‌و له‌مپه‌رانه‌ی له‌به‌رده‌می دایه‌.

bas news-