رێڤەبەرێ ناحیا کانی ماسی دیارکرکو ئەڤرۆ 1/8/2017 ل دەمژمیر 4:30 فرۆکێن شەرکەر یێن وەلاتی تورکیا گەلیێ بازێ دەڤەرا بەرواری بالا بوردومانکر وزیان گەھشتنە دارستانا سرۆشتی ل دەڤەری.


سەربەست سەبری ئاکری، رێڤەبەرێ ناحیا کانی ماسی دیارکر: "چوو زیانێن گیانی نەبوون بتنی زیانێن دارایی گەھشتنە دەڤەری وپەنچەرێن ھندەک مالێن وەلاتیان ل گۆندێ بازێ شکەستن ژبەر بوردومانکرنا فرۆکێن تورکیا ئەڤە ژبەر دەنگی بھێز یێ تەقەمەنیان ئەڤ زیان گەھشتنە وەلاتیان وەکو ھەموو جارێن بۆری ژێ ترس بۆ خەلکێ دەڤەری دروست بوویە ئەڤە چەندین جارا فرۆکێن تورکیا ژبەر پەکەکێ وێ دەڤەری تۆپباران دکەن وخەلک ژێ نەشیت قەستا ناڤ زەڤێن خوە چاندنی بکەت".


خۆیا ژی کر: "فرۆکێن تورکیا دوو موشەک ل دەڤەری داینە وان ھەردوو موشەکا ژێ زیانێن داریی یێ گەھاندینە ھندەک مالێن وەلاتیان".

bas news-