رێڤەبەرێ راگەھاندنێ ل پارێزگەھا دھۆکێ دیارکرکو ئەڤرۆ 31/7/2017 ورکشوپەک بۆ 65 رێکخراوان ھاتە ڤەکرن ژپێخەمەت پێشئێخستنا کارێ رێکخراوێن لوکال یێن نافخویی دبیاڤێ ئامادەکرنا پروپوزەلێن پروژان.



موسلیح عەبدولقادر، رێڤەبەرێ راگەھاندنێ ل پارێزگەھا دھۆکێ دیارکر: "ئەڤ ورکشوپە بو ھندێ یە کارێ ھەر رێکخراوەکێ بھێتە پێشئێخستن تایبەت دەمێ ئەو رێکخراو پروپوزەلا بو پروژا بەرھەڤ وپێشکیشێ پارێزگەھا دھۆک دکەن و پشتی ڤێ ورکشوپێ خولێن دی یێن پێشکەفی تر دێ ھێنە ڤەکرن ویا فەرە ھەر رێکخراوەکێ ل دویڤ تایبەتمەندیا خو پروژا بەرھەڤ وپێشکێشکەت بو بدەستڤەئینانا بودجا بجە ئینانا پروژان وخزمەتکرنا ئاوارە وپەنابەران وخەلکێ دەڤەرێ".



خۆیا ژی کر: "ل دویڤ ئامارێن بوردێ کاروبارێن مروڤایەتی (740) ھزارئاوارە وپەنابەر ل سنورێ پارێزگەھا دھوکێ ھەنە ھندەک دناڤا کەمپان دا وھندەک ژی ل دەرڤەی کەمپان ژیانا خودەربازدکەن ئەڤ رێکخراو دگەل پارێزگەھا دھۆک خزمەتا وان دکەن".


bas news-