پەیڤدارێ دەستەیا گەشت و گوزارێ ل ھەرێما کوردستانێ، دیاریکر کو پشتی ئازادکرنا باژێرێ موسلێ، کەرتێ گەشتیاری ل سنورێن ھەرێما کوردستانێ بەرەڤ بلندبۆونێ ڤە چویە و ئەڤە دێ بیتە ئەگەرەک پتر گەشتیار سەرەدانا جھێن گەشتیاری ل سنورێ ھەرێما کوردستانێ بکەن.



نادر رۆستی، پەیڤدارێ دەستەیا گەشت و گوزارێ ل ھەرێما کوردستانێ گوت ژی: "ئەم پێشبینیێ دکەین رێژا ھاتنا گەشتیاران د جەژنا قوربانێ دا دوو جار ھندی رێژا جەژنا رەمەزانا پیرۆز بیت چونکە دەڤەرێن ژ دەستێ چەکدارێن داعش ھاتینە دەرێ ھەڤسنورێن ھەرێما کوردستانێ نە لەورا دێ ھاتنا گەشتیاران ب ساناھی بتر بیت ژ بەر نوکە".



رۆستی، بەحسا وێ چەندێ ژی کر: "پشتی ب ئێک جاری نەمانا داعشێ دھێتە راگەھاندن وبارێ ئابۆری یێ ھەرێمێ وەکە جاران وباش ب ز ڤریت دێ دوو باژێرێن گەشتیاری ل سنورێ پارێزگەھا دھوکێ کو ل (بەنداڤا دھوکێ و سەر چیایێ زاوا) ھەر ل دھوکێ یە ھێنە دروستکرن و نھا دا دیزاینا ھەردوو باژێران ھاتیە دروستکرن و ئەم چاڤەرێ باشبۆنا رەوشا دارای نە تا کو بشێن کار ل سەر ھەردوو باژێرێن گەشتیاری ل دھوکێ بکەین".


bas news-