بەپێی بانگەوازێکی دەزگای گشتیی کاروباری مین، بەڕێوەبەرایەتیی گشتیی کاروباری مین لە سلێمانی پێویستی بە 25 مینلابەر ھەیە و ھەرکەسێک خوازیاری کارکردنە لەوبوارەدا دەتوانێت لەماوەی حەوت ڕۆژدا سەردانی بەڕێوەبەرایەتیی کاروباری مین بۆ وەرگرتنی فۆرم بکات.



لە بانگەوازەکەی دەزگای گشتیی کاروباری مین، کە وێنەیەکی نێردراوە، تێدا ھاتووە: "بەڕێوەبەرایەتیی گشتیی کاروباری مین/ سلێمانی پێویستی بە 25 مینلابەر ھەیە، بە مەرجێک تەمەنیان لە 18 ـ 25 ساڵ زیاتر نەبێت و لانیکەم خاوەنی بڕوانامەی ئامادەیی بێت".



لە بانگەوازەکەدا، ئاماژە بەوەش دراوە: "ھەرکەسێک خوازیاری کارکردنە لەو پۆستەدا لە بەرواری بڵاوکردنەوەی ئەم ئاگادارییەوە لەماوەی حەوت ڕۆژدا سەردانی بەڕێوەبەرایەتیی گشتی کاروباری مین بۆ وەرگرتنی فۆرم بکات".
bas news-